Ininang 15:4 - Manobo Sarangani

⁴ Pegdateng dan doton te Jerusalem, sinagman dan te menge otaw egpemenal, aw menge egpengibing te simbahan, aw menge sogounun i Cristo. Penga niyan, mig-indan si Pablo aw si Bernabe te kedita te ininang te Timanem pineokit kandan.

Ininang 15:4 ပူးပေါင်းရင်းမြစ်များ

Ininang 15:12

Penga niyan, netingen se kedita te otaw aw nenenalan dan. Mig-indan si Bernabe aw si Pablo te menge kepelahan ininang te Timanem pineokit kandan doton te menge otaw kenà Judiyo.

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Ininang 15:3

Penga niyan, impekesayo dan te menge otaw egpemenal. Peg-okit dan te Fenisya aw Samarya, mig-indan dan te nemenal den se menge otaw kenà Judiyo. Pegdineg te kedita te otaw egpemenal kenyan, ontò dan neluba.

Roma 15:18

Olò a meg-indan kenyo tepad te ininang i Cristo pineokit kanak. Doen den menge otaw kenà Judiyo egtolò te Timanem pineokit te pegtoladà ko aw peg-inang ko,

Ininang 21:17

Pegdateng day doton te Jerusalem, ontò kay sinagman te menge otaw egpemenal kidoen.

2 Juan 1:10

Aw doen otaw domateng kenyo aw doen itoladà din kenyo kenà onawa te kebenalan intoladà i Jesu Cristo, ikà niyo egpepenayit kandin diyà te balay niyo. Ikà niyo heman egliyag kandin,

Kolasas 4:10

Kineleboso heman doma ko si Aristarco, aw ibeg din ketegahan niyo te eg-aneng-aneng sikandin kenyo. Onawa heman kenyan se kagi i Marcos, sìyan kedowa i Bernabe. Aw domateng sikandin doton kenyo, pegsagman kaw kandin iling te tapay impunù ko kenyo.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

Roma 15:7

Yan, pegpeidoway kaw iling te pegkeido i Cristo te kedita niyo amon iduyun se Timanem.

Ininang 21:19

Pegkità i Pablo kandan, in-indan din se kedita te ininang te Timanem kidoen te menge otaw kenà Judiyo pineokit te pegtoladà din.

Ininang 18:27

Sagwa neibeg si Apolos domoton te Gresya, migtabang kandin se menge otaw nemenal doton te Efeso. Simolat dan doton te menge otaw dotonan din amon segmanen dan sikandin. Pegdateng din doton te Gresya, mèpiya se pegtabang din te menge otaw nemenal pineokit te tabang te Timanem kandin.

Mat. 10:40

“Aw megsagman se otaw kenyo, segmanen a din heman. Aw megsagman se otaw kanak, segmanen din heman se Amay ko simogò kanak.

Ininang 11:30

Pegkeimon dan te bowang, insogò dan si Bernabe aw si Saulo mengibing kenyan doton te menge egpengibing te simbahan kidoen te Judiya.

Ininang 15:2

Meneng nengela si Pablo aw si Bernabe diyà te intoladà dan sìyan. Migpedindilay dan aw wedà dan pegsebad. Penga niyan, miglalang se menge otaw egpemenal te isogò dan si Pablo aw si Bernabe aw menge doma otaw domoton te Jerusalem amon megkità dan te menge sogounun i Cristo aw menge egpengibing te simbahan tepad te toladà dan sìyan.

Ininang 15:6

Penga niyan, migtipon se kedita te sogounun i Jesus aw menge egpengibing te otaw egpemenal amon megpebelaw-belaway dan te menonen se menge otaw kenà Judiyo, aw tolien dan aw eked.

Ininang 15:22

Penga niyan, migsebad se aneng-aneng te kedita te otaw egpemenal sipat menge sogounun i Cristo aw menge egpengibing te simbahan. Pinemallì dan se dowa otaw tomaking ki Pablo aw si Bernabe domoton te Antyokya. Se pinemallì dan, yan si Silas aw si Judas, se doma ngadan din si Barsabas, so induyun dan te kedita te otaw egpemenal.

Ininang 16:4

Peg-okit dan te menge lonsod, migtoladà dan te impunù te menge sogounun i Cristo aw egpengibing te simbahan doton te Jerusalem amon tomolò dan kenyan.