Ininang 15:2 - Manobo Sarangani

² Meneng nengela si Pablo aw si Bernabe diyà te intoladà dan sìyan. Migpedindilay dan aw wedà dan pegsebad. Penga niyan, miglalang se menge otaw egpemenal te isogò dan si Pablo aw si Bernabe aw menge doma otaw domoton te Jerusalem amon megkità dan te menge sogounun i Cristo aw menge egpengibing te simbahan tepad te toladà dan sìyan.

Ininang 15:2 ပူးပေါင်းရင်းမြစ်များ

Galasya 2:5

Wedà kay palos tolò te ibeg dan, so ibeg day wedad kebolalaw toladà isanged diyà te kebenalan, sìyan Mèpiya Indan tepad ki Cristo intoladà day kenyo.

2 Korinto 11:5

Na, tepad te sìyan menge otaw doton kenyo eg-ikagi te sikandan se ontò benal sogounun i Cristo, eden niyo aw sikandan se labi pa melangkaw diyà kanak.

Ininang 15:4

Pegdateng dan doton te Jerusalem, sinagman dan te menge otaw egpemenal, aw menge egpengibing te simbahan, aw menge sogounun i Cristo. Penga niyan, mig-indan si Pablo aw si Bernabe te kedita te ininang te Timanem pineokit kandan.

Ininang 11:30

Pegkeimon dan te bowang, insogò dan si Bernabe aw si Saulo mengibing kenyan doton te menge egpengibing te simbahan kidoen te Judiya.

Judas 1:3

Menge kedowa ko egkedekelan ko te pedowan, pengkey ontò dakel se ibeg ko somolat kenyo tepad te pegpelowà te Timanem te kedita tadon lekat te salà, meneng keilangan somolat a den kenyo te megpekagsen kaw te pegpemenal amon eked kaw dàgi te otaw meibeg peden megtodà te ontò kebenalan. Imbegay iyan te Timanem diyà te menge sakop din, aw eked iyan kepakay todaen.

1 Korinto 1:1

Seini se solat ko, si Pablo, doma ki Sostenes, sìyan kedowa tadon te pegpemenal. Lekat te ibeg te Timanem, tinawal a din amon inangen a sebad sogounun i Jesu Cristo.

Ininang 21:18

Keeldawan niyan, miglegeana si Pablo ki Santiago. Timaking kay kandin. Netipon heman se kedita te egpengibing te simbahan.

Ininang 16:4

Peg-okit dan te menge lonsod, migtoladà dan te impunù te menge sogounun i Cristo aw egpengibing te simbahan doton te Jerusalem amon tomolò dan kenyan.

Ininang 15:27

Se pinemallì day isogò doton kenyo, yan si Judas aw si Silas. Sobloden dan se kagi insolat day doton kenyo.

Ininang 15:25

Migsebad den se aneng-aneng day te isogò day se otaw domoton kenyo, aw tomaking dan te kedowa tadon si Bernabe aw si Pablo egkedekelan tadon te pedowan.

Ininang 11:12

Insogò dan lekat te Sesarya amon engayen a dan. Minikagi se Espiritu Santo diyà kanak te eked a kulu se tomaking kandan. Enem se otaw egpemenal timaking kanak lekat te Jopa. Pegdateng day doton te balay i Cornelio, minawop se kedita day.

Ininang 10:23

Penga niyan, impeawop din dan aw impeidegà dan kidoen. Keeldawan niyan, timaking si Pedro kandan. Timaking heman kandin se menge doma otaw egpemenal lekat te Jopa.