Ininang 14:6 - Manobo Sarangani

^6-7 Pegketaga-taga te sogounun i Cristo kenyan, kimadas dan doton te Listra aw Derbe, didowa lonsod doton te Likaonya. Migtoladà dan te Mèpiya Indan kidoen aw doton heman te kedepagan niyan.

Ininang 14:6 ပူးပေါင်းရင်းမြစ်များ

2 Timoteo 3:11

aw pegpemilang kanak, aw kelimahan ko. Netegahan no se kedita neinang kanak kedengan doton te Antyokya aw Ikonyo aw Listra, aw eden se pemilang dimateng kanak. Meneng impelowà a te Pengolo tadon lekat te kedita niyan.

Mat. 10:23

Aw pemilangen kaw kidoen te sebad lonsod, kadas kaw lekat kidoen aw doton kaw te doma lonsod. Penenalan kaw te kagi ko kenyo seini. Siak se Timanem Migpekeotaw, aw lomikò a te eked pa kepenga se pegtoladà niyo kidoen te kedita te lonsod eg-ogpaan te menge bowad-bowad i Israel.

Ininang 9:24

Pengkey aldaw aw delem, egbangan dan kandin kidoen te dalan lekat te Damasko amon imetayan dan sikandin. Meneng doen otaw mig-indan ki Saulo te ibeg dan.

Ininang 14:8

Doton te Listra, doen sebad otaw kapig wedà palos pekeipanaw lekat te pegtebaw din.

Ininang 14:11

Pegkità te menge doma otaw te ininang i Pablo, minikagi se tege Likaonya te kandan kagi wedà kelebeti i Pablo, aw migpetewalay dan, “Sikandan se timanem tadon migpekeotaw timenà dini kenitadon.”

Ininang 15:36

Pegkenamay-namay, minikagi si Pablo diyà ki Bernabe, “Elew, lomikò ki den doton te kedita te lonsod, sìyan pigtoledaan ta te kagi te Pengolo kedengan, amon ketegahan ta aw eden den se kandan pegpemenal.”

Ininang 20:4

Doen menge otaw timaking kandin pesalo doton te Jerusalem, yan se batà i Piro si Sopater tege Berya, aw si Aristarco aw si Segundo didowa dan tege Tesalonika, aw si Gayo tege Derbe, aw si Tikico aw si Trofimo didowa dan tege Asya, aw si Timoteo.