Ininang 14:5 - Manobo Sarangani

⁵ Miglalang heman se menge Judiyo kenà egpemenal aw menge doma otaw kenà Judiyo aw otaw limowan kandan. Ibeg dan peelegen aw bontogan dan te bato si Pablo aw si Bernabe amon matay.

Ininang 14:5 ပူးပေါင်းရင်းမြစ်များ

Ininang 14:19

Penga niyan, dimateng se menge Judiyo kenà egpemenal lekat te Ikonyo aw Antyokya sakop te Pisidya. Migdeliseg dan te tege Listra, aw yan binontogan dan si Pablo te bato, aw ginoyod dan doton te lowà te lonsod so eden dan aw nematay den.

2 Timoteo 3:11

aw pegpemilang kanak, aw kelimahan ko. Netegahan no se kedita neinang kanak kedengan doton te Antyokya aw Ikonyo aw Listra, aw eden se pemilang dimateng kanak. Meneng impelowà a te Pengolo tadon lekat te kedita niyan.

Ininang 17:5

Meneng miningà se menge Judiyo kenà egpemenal, aw pigtipon dan se menge doma medaet otaw wedad eg-inangen dan. Pegkedita dan, migsamok dan kidoen, aw dimoton dan te balay i Jason amon dekepen dan kidoen si Pablo aw si Silas aw ibingen dan doton te menge otaw netipon.

Luc. 6:28

Pemoyò kaw diyà te Timanem te keidowan din se otaw egpenollon kenyo. Pegtawal-tawal kaw heman diyà kandin tepad te otaw egtompuyus kenyo.

Mat. 5:44

Meneng mikagi a den diyà kenyo te keilangan kedekelan niyo te pedowan se poon niyo. Keilangan gayed kaw megtawal-tawal diyà te Timanem tepad te otaw egpemilang kenyo.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.

Ininang 14:2

Meneng doen menge Judiyo wedà pemenal migdeliseg te menge doma otaw kenà Judiyo amon meopal dan heman diyà te menge otaw nemenal.

Ininang 14:4

Meneng wedà pegsebad se pedowan te otaw eg-ogpà kidoen, so doen migpedigsel te menge Judiyo kenà egpemenal, aw doen heman migpedigsel te menge sogounun i Cristo.

2 Korinto 11:26

Medita se kelimahan neokitan ko te peglegeb. Egbatas a te miglaneg. Egkità a te menge megdedempasay. Doen menge Judiyo aw menge otaw kenà Judiyo ibeg mengimatay kanak. Medita se kelimahan neokitan ko doton te lonsod, aw doton te wedad otaw eg-ogpà, aw diyà te dagat. Pinemilang a heman te otaw egpelingo-lingo te egtaking dan ki Cristo.

1 Tesalonika 2:2

Te wedà kay pa doton kenyo, ontò medaet se ininang kenami, aw tinompuyus kay doton te Filipos. Meneng pegdateng day doton kenyo, tinebangan kay te Timanem aw yan wedad ketalaw day te pegtoladà day kenyo te Mèpiya Indan lekat te Timanem. Yan se ininang day pengkey medita se otaw migpoon kenami.

1 Tesalonika 2:14

Menge kedowa day, neinang kaw den iling te menge sakop te Timanem egpemenal ki Jesu Cristo doton te Judiya. Pinemilang dan te menge doma dan Judiyo, aw iling kaw kandan so pinemilang kaw heman te menge doma niyo kenà Judiyo.

1 Tesalonika 2:16

so migsagda dan te pegtoladà day te menge otaw kenà Judiyo te mekelowà dan lekat te salà. So egsagda dan te pegtoladà day, egdogangan dan se menge salà dan. Meneng agpet den dan detengan te pelumun te Timanem.