Ininang 14:4 - Manobo Sarangani

⁴ Meneng wedà pegsebad se pedowan te otaw eg-ogpà kidoen, so doen migpedigsel te menge Judiyo kenà egpemenal, aw doen heman migpedigsel te menge sogounun i Cristo.

Ininang 14:4 ပူးပေါင်းရင်းမြစ်များ

Ininang 28:24

Doen menge otaw nemenal te inikagi din, aw doen heman doma wedà pemenal.

Ininang 19:9

Meneng doen menge otaw kimulu te pegpemenal. Medaet se inikagi dan tepad te kagi te Timanem intoladà din diyà te otaw netipon. Penga niyan, nesayo si Pablo lekat te simbahan, aw inibing din se menge otaw egpemenal doton te iskwilahan pigmeistrohan i Tirano. Migtoladà si Pablo kandan kidoen te kelikit te aldaw

Ininang 14:14

Meneng pegketaga-taga dan te ibeg te menge otaw kidoen, linisì dan se saol tandà te lidò te pedowan dan. Ayas dan dimoton te otaw netipon aw timawal dan, kagi dan,

1 Korinto 9:5

Simpana doen esawa ko, mepakay aw ipetaking ko pengkey kenan a pesalo, so doen man esawa ipegpetaking te menge doma sogounun i Cristo, pengkey si Pedro aw menge kedowa i Jesus.

Ininang 13:2

Doen aldaw migpowasa se otaw egpemenal kidoen te Antyokya, aw megsimba dan te Pengolo. Dalem niyan, minikagi se Espiritu Santo diyà kandan, “Teniyi niyo kanak si Bernabe aw si Saulo, so doen ipeinang ko kandan.”

Juan 7:43

Wedà dan pegsebad, aw yan se doun te migpedindilay dan tepad kandin.

Luc. 2:34

Migtawal-tawal si Simeon te ketebangan dan te Timanem, aw minikagi sikandin diyà te inay te batà si Maria, “Na, meinang se batà seini pengilala kitaen te medita bowad-bowad i Israel. Aw komità dan kandin, medita se otaw komulu kandin aw ipelumun dan, meneng medita se doma otaw somalig diyà kandin aw mekelowà dan lekat te pelumun,

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.

Ininang 14:2

Meneng doen menge Judiyo wedà pemenal migdeliseg te menge doma otaw kenà Judiyo amon meopal dan heman diyà te menge otaw nemenal.

Ininang 14:5

Miglalang heman se menge Judiyo kenà egpemenal aw menge doma otaw kenà Judiyo aw otaw limowan kandan. Ibeg dan peelegen aw bontogan dan te bato si Pablo aw si Bernabe amon matay.

Ininang 14:19

Penga niyan, dimateng se menge Judiyo kenà egpemenal lekat te Ikonyo aw Antyokya sakop te Pisidya. Migdeliseg dan te tege Listra, aw yan binontogan dan si Pablo te bato, aw ginoyod dan doton te lowà te lonsod so eden dan aw nematay den.

1 Tesalonika 2:14

Menge kedowa day, neinang kaw den iling te menge sakop te Timanem egpemenal ki Jesu Cristo doton te Judiya. Pinemilang dan te menge doma dan Judiyo, aw iling kaw kandan so pinemilang kaw heman te menge doma niyo kenà Judiyo.