Ininang 14:1 - Manobo Sarangani

¹ Pegdateng i Pablo aw si Bernabe doton te Ikonyo, dimoton dan te simbahan te Judiyo. Pegtoladà dan kidoen, nemenal se medita otaw Judiyo aw menge doma otaw kenà Judiyo.

Ininang 14:1 ပူးပေါင်းရင်းမြစ်များ

Ininang 18:4

Kelikit te Sebado, gayed egpeinsaay si Pablo te menge otaw doton te simbahan te Judiyo amon doen menge Judiyo memenal aw pengkey kenà Judiyo.

Ininang 13:51

Pegkesayo dan lekat kidoen, tinaktak dan se napò te tanà lekat te sepatos dan amon metaga-taga se otaw kidoen te doen salà dan so wedà dan penenalan te intoladà. Penga niyan, dimoton si Pablo aw si Bernabe te Ikonyo.

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Ininang 14:21

Migtoladà si Pablo aw si Bernabe te Mèpiya Indan kidoen te Derbe, aw medita se otaw nemenal ki Jesus. Penga niyan, limikò dan doton te Listra, aw Ikonyo, aw Antyokya kidoen te Pisidya.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Roma 10:12

Ibeg te Timanem, somalig se kedita te otaw diyà ki Jesu Cristo. Wedad elet diyà te Judiyo aw otaw kenà Judiyo, so olò sebad se Pengolo te kedita tadon. Ontò din egkeidowan se kedita te otaw memoyò te tabang din,

Roma 1:16

Nayan, ontò dakel se pegsalig ko diyà te Mèpiya Indan sìyan, so yan se tolos te Timanem mekepelowà te kedita te otaw lekat te salà aw memenal dan kenyan. Nekeonà se menge Judiyo dimineg kenyan, aw penga niyan se menge otaw kenà Judiyo.

Ininang 19:17

Nedengeg iyan doton te Efeso, aw netegahan iyan te kedita te Judiyo aw otaw kenà Judiyo. Nepela se kedita dan, aw induyun dan se ngadan te Pengolo si Jesus.

Ininang 19:8

Dalem te telo se bolan, gayed egdoton si Pablo te simbahan te Judiyo. Wedà sikandin pegketalaw te pegtoladà din kandan tepad te peglowan te Timanem.

Ininang 18:8

Se egpengibing te simbahan te Judiyo si Crispo, nemenal te Pengolo sipat kedita te otaw eg-ogpà diyà te balay din. Nemenal heman se medita doma otaw doton te Korinto aw binonyagan dan.

Ininang 17:12

Medita se Judiyo nemenal, aw doen heman menge Griego meama aw bayi melangkaw eleg nemenal.

Ininang 17:4

Doen menge Judiyo nemenal aw migpesakop diyà ki Pablo aw si Silas. Nemenal heman se medita otaw kenà Judiyo egsalig diyà te Timanem aw medita heman bayi melangkaw.

Ininang 13:43

Pegkesayo dan, tinekingan dan te medita otaw, menge Judiyo aw menge otaw kenà Judiyo egtolò te ketanem te menge Judiyo. Migpunù si Pablo aw si Bernabe kandan te keilangan somalig dan diyà te Timanem egpenabang kandan.

Ininang 11:21

Migtabang se Pengolo kandan, aw medita se otaw nemenal aw timolò te Pengolo.

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Ininang 21:28

Migbelobansag dan, kagi dan, “Menge kedomaan day bowad-bowad i Israel, telebani kay. Seini se otaw egtoladà diyà te kedita te otaw te lindoan kidon Judiyo, aw simbahan seini egpenimeneman, aw punù ingkeliwat i Moises. Labi pa medaet se ininang din seini, so inibing din se otaw kenà Judiyo dini didalem te dakel simbahan seini egpenimeneman, pengkey eked iyan kepakay.”

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Ininang 17:17

Migpebelaw-belaway si Pablo te menge Judiyo aw menge doma otaw egsalig diyà te Timanem doton te simbahan dan. Kelikit te aldaw, migpebelaw-belaway heman si Pablo te menge otaw netelaan din doton te pedyanan.

Ininang 16:1

Dimoton si Pablo aw si Silas te Derbe aw Listra. Doen sebad otaw mig-ogpà kidoen ngadan din si Timoteo. Egpemenal sikandin te Timanem sipat inay din. Judiyo se inay din, meneng kenà Judiyo se amay din.

Ininang 14:2

Meneng doen menge Judiyo wedà pemenal migdeliseg te menge doma otaw kenà Judiyo amon meopal dan heman diyà te menge otaw nemenal.

Ininang 13:5

Pegdateng dan doton, timenà dan doton te lonsod te Salamina, aw migtoladà dan te kagi te Timanem doton te menge simbahan te Judiyo. Timaking heman si Juan, se doma ngadan din si Marcos, so migtelaban kandan.

Juan 12:20

Doen heman menge otaw Griego timaking te menge Judiyo dimoton te Jerusalem amon megsimba dan kidoen dalem te pista.

Juan 7:35

Pegdineg te menge obanen te Judiyo kenyan, migpeinsaay dan, “Kenan lay pesalo sikandin te eked tadon kitai? Domoton lay sikandin te mediyò lonsod eg-ogpaan te menge Judiyo nesakop te kenà Judiyo amon megtoladà te menge otaw kenà Judiyo?

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Galasya 2:3

Minikagi se kedita te sogounun i Cristo te metòlid se intoladà ko diyà te menge otaw kenà Judiyo. Pengkey kenà Judiyo se doma ko si Tito, meneng wedà legesi te menge sogounun i Cristo se pegtolì kandin tepad te punù ingkeliwat i Moises.

Ininang 19:10

lamig te dowa se omay. Yan netegahan te kedita te otaw kidoen te Asya se kagi te Pengolo. Netegahan iyan te menge otaw Judiyo aw menge otaw kenà Judiyo.

Mar. 7:26

Kenà sikandin Judiyo, so eg-ikagi te Griego aw timebaw doton te Fenisya sakop te probinsya te Sirya. Nemoyò sikandin te ipelowà i Jesus se bosaw lekat te batà din.

Ininang 2:47

Gayed dan ipegduyun se Timanem. Sinagman dan te menge doma otaw. Kelikit te aldaw, dinogangan te Pengolo se otaw nemenal.

Ininang 14:19

Penga niyan, dimateng se menge Judiyo kenà egpemenal lekat te Ikonyo aw Antyokya sakop te Pisidya. Migdeliseg dan te tege Listra, aw yan binontogan dan si Pablo te bato, aw ginoyod dan doton te lowà te lonsod so eden dan aw nematay den.

Ininang 16:2

Mèpiya otaw si Timoteo. Induyun sikandin te kedita te otaw egpemenal doton te Listra aw Ikonyo.

2 Timoteo 3:11

aw pegpemilang kanak, aw kelimahan ko. Netegahan no se kedita neinang kanak kedengan doton te Antyokya aw Ikonyo aw Listra, aw eden se pemilang dimateng kanak. Meneng impelowà a te Pengolo tadon lekat te kedita niyan.