Ininang 13:3 - Manobo Sarangani

³ Penga niyan, migpowasa dan aw todà dan migtawal-tawal, aw pinemàdan dan si Bernabe aw si Saulo, aw penga niyan impekesayo dan.

Ininang 13:3 ပူးပေါင်းရင်းမြစ်များ

Ininang 6:6

Impeasdang dan diyà te menge sogounun i Cristo. Migtawal-tawal se menge sogounun i Cristo aw pinemàdan dan se pito otaw sìyan.

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.

1 Timoteo 4:14

Ikà eglengà te peggamit no te kebiyasa nekinawà no kedengan pineokit te peg-ikagi te telekeliwat te kagi te Timanem tepad kamno aw pineokit te pegpemaed te menge egpengibing te simbahan diyà te olo nikaw.

Ininang 13:2

Doen aldaw migpowasa se otaw egpemenal kidoen te Antyokya, aw megsimba dan te Pengolo. Dalem niyan, minikagi se Espiritu Santo diyà kandan, “Teniyi niyo kanak si Bernabe aw si Saulo, so doen ipeinang ko kandan.”

3 Juan 1:8

Yan keilangan sikitadon egpemenal se menogpò te otaw egtoladà amon meketabang kidon te pegtoladà dan te kebenalan.

1 Timoteo 5:22

Keilangan eked ka kesasaw te pegpemallì no te otaw inangen egpengibing te simbahan, so aw mekesalà sikandin, silahen ka heman doma din. Yan keilangan wedad salà inangen nikaw.

Roma 10:15

Wedad heman otaw megtoladà kandan singed aw doen isogò doton kandan. Meneng doen den otaw insogò amon megtoladà kandan, so doen insolat kidoen te kagi te Timanem, “Ontò mèpiya se pegdateng te menge otaw egtoladà te Mèpiya Indan.”

Ininang 14:26

Simakay dan te dakel belangay lekat te Atalya aw minolì dan doton te Antyokya, so yan se linekatan dan. Kedengan te peglekat dan doton te Antyokya, migtawal-tawal se otaw diyà te Timanem amon tebangan din se inang dan, sìyan neinang den dan.

Ininang 14:23

Doen heman otaw pinemallì i Pablo aw si Bernabe doton te teg sebad-sebad lonsod, amon isawol dan egpengibing te simbahan. Doen aldaw migpowasa dan, aw nemoyò dan te tebangan dan te Pengolo egseligan dan.

2 Timoteo 1:6

Yan se doun te ibeg ko eked no kelibeli te keilangan gemiten no se kebiyasa imbegay te Timanem kamno kedengan te pegpemaed ko te olo no aw pegtawal-tawal ko tepad kamno.

Ininang 15:40

Yan pinemallì i Pablo si Silas tomaking kandin. Migtawal-tawal se menge otaw egpemenal te megtabang se Pengolo kandan te peselowan dan. Penga niyan, nesayo dan.

3 Juan 1:6

Mig-indan dan diyà te menge otaw egpemenal dini, te dakel se pedowan no kandan. Mèpiya aw gayed ka megtabang kandan amon domeleg dan megtoladà doton te doma ogpeanan, so yan se ibeg te Timanem inangen tadon.

Ininang 9:17

Penga niyan, dimoton si Ananias te balay inogpaan i Saulo. Peg-awop din, pinemàdan din si Saulo aw minikagi, “Kedowa ko, insogò a te Pengolo si Jesus, sìyan migpekità diyà kamno doton te dalan. Insogò a din dini kamno amon todà ka komità, aw amon domateng se Espiritu Santo kamno.”

Ininang 1:24

Penga niyan, migtawal-tawal dan diyà te Timanem, “Pengolo, netegahan no se pedowan te kedita te otaw. Yan petega-tegahi kenami aw sinu se otaw pinemallì no

Ininang 13:4

Insogò se didowa dan te Espiritu Santo aw yan timegbeng dan pesalo doton te Silusya, aw simakay dan te dakel belangay pesalo doton te polò iningedanan Sipro.