Ininang 13:23 - Manobo Sarangani

²³ “Sebad bowad-bowad i David si Jesus. Sikandin se insogò te Timanem amon megpelowà te otaw lekat te salà. Sikandin se tapay din impakang diyà kenitadon, so sikitadon se bowad-bowad i Israel.

Ininang 13:23 ပူးပေါင်းရင်းမြစ်များ

Mat. 1:1

Seini se ngadan te menge kemonaan i Jesu Cristo. Si Jesus se sebad diyà te menge bowad-bowad i David, aw menge bowad-bowad i Abraham.

Impekità 22:16

“Siak si Jesus se simogò te anghil ko doton kamno amon ikeliwat se kagi ko seini diyà te kedita te otaw egpemenal aw egsimba kanak. Siak se bowad-bowad i David impakang gebii. Siak heman se meanyag bitoen te medapag aldaw.”

Judas 1:25

Iduyun se Timanem. Sebad din se Timanem, aw migpelowà den sikandin kenitadon lekat te salà pineokit te Pengolo tadon si Jesu Cristo. Timanem se ontò mèpiya. Sikandin se ontò melangkaw. Sikandin se eglowan diyà te kedita. Sikandin se ontò metolos. Doen den sikandin gebii, aw songkani, aw te wedad temanan. Metoman iyan.

Ininang 13:32

Dimini kay den amon meg-indan kenyo te Mèpiya Indan tepad ki Cristo. Pengkey kemonaan tadon se pinekangan te Timanem,

Roma 1:3

Yan se Mèpiya Indan tepad te Batà din si Jesu Cristo migpekeotaw aw timebaw sebad bowad-bowad te selotan gebii si David.

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.

2 Pedro 3:2

Ibeg ko meg-aneng-aneng kaw tepad te kagi insolat te menge telekeliwat te kagi te Timanem gebii, aw tepad te insogò te Pengolo tadon migpelowà kenitadon, sìyan impetaga-taga din diyà kenyo pineokit te menge sogounun din.

2 Pedro 2:20

Aw egketaga-taga se menge otaw tepad te Pengolo tadon si Jesu Cristo migpelowà kenitadon, timanan dan te medaet keogpà te otaw dini te keneyonan. Meneng aw meboyo dan, aw todà dan dàgen te kededàtan, ontò medaet se keogpà dan labi pa medaet diyà te keogpà dan te wedà dan pa ketaga-taga tepad ki Cristo.

2 Pedro 1:11

Aw yan se eg-inangen niyo, ontò kaw ipeawop kidoen te peglowan i Jesu Cristo egpelowà kenitadon. Lomowan se Pengolo tadon te wedad temanan.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

Tito 1:4

Seini se solat ko kamno, Tito. Iling ka te ontò batà ko, so nemenal ka te Pengolo tadon iling te pegpemenal ko kandin. Ibeg ko, tebangan ka aw begayan ka te kelinaw te pedowan lekat te Timanem Amay aw lekat ki Jesu Cristo egpelowà kenitadon.

Roma 11:26

Penga niyan, ipelowà te Timanem se kedita te Judiyo, so doen kagi te Timanem insolat, “Domateng se Egpelowà lekat te ogpeanan te menge Judiyo iningedanan Sion. Ipelowà din se kedita te menge bowad-bowad i Jacob lekat te salà dan.”

Ininang 3:26

Sikitadon onà se sinogoan te Timanem ki Jesus amon tebangan kidon aw megselsel kidon te salà.”

Ininang 2:30

Meneng te wedà pa kematay si David, sikandin se telekeliwat te kagi te Timanem. Doen impakang te Timanem te meinang selotan se sebad bowad-bowad i David, amon doen selotan lomowan iling te peglowan i David.

Juan 7:42

Doen kagi te Timanem insolat te keilangan pelimanan tadon se Misiyas bowad-bowad te kemonaan tadon si David. Tomebaw se Misiyas egpelimanan tadon kidoen te Bitlihim, so yan se lonsod inogpaan i David.”

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Luc. 1:69

Doen isogò te Timanem metolos megpelowà kenitadon, sìyan bowad-bowad i David egtolò te Timanem gebii.

Mat. 22:42

kagi din, “Eden lay se aneng-aneng niyo tepad te Misiyas? Sinu lay se kemonaan din?” Timaba dan, “Bowad-bowad i David se Misiyas isogò te Timanem.”

Mat. 21:9

Migpegais se kedita te otaw timaking ki Jesus, pengkey nekeonà aw timetondog. Migpegais dan, “Iduyun se bowad-bowad i David. Iduyun se insogò te Pengolo tadon Timanem. Iduyun se Timanem.”

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Ininang 4:12

Wedad doma mekepelowà kenitadon lekat te salà. Pengkey dini te kebelad te keneyonan, wedad doma insogò te Timanem dini te keneyonan amon megpelowà te otaw lekat te salà.”