Ininang 13:2 - Manobo Sarangani

² Doen aldaw migpowasa se otaw egpemenal kidoen te Antyokya, aw megsimba dan te Pengolo. Dalem niyan, minikagi se Espiritu Santo diyà kandan, “Teniyi niyo kanak si Bernabe aw si Saulo, so doen ipeinang ko kandan.”

Ininang 13:2 ပူးပေါင်းရင်းမြစ်များ

Mat. 17:21

Meneng eked pelowai se seini kemolò te bosaw singed aw megtawal-tawal kaw aw megpowasa kaw.]”

Mat. 6:16

“Aw megpowasa kaw, ikà niyo egpetaga-taga kenyan diyà te doma otaw pineokit te bawa niyo. Ikà niyo eg-iling te menge otaw eden dan aw egpenimanem dan, so eg-inangen dan medaet se bawa dan amon metaga-taga se doma otaw te kenà dan egpengaen. Eneng-enengi niyo se kagi ko seini. Wedad den palos ontong ibegay te Timanem kandan.

Mat. 9:38

Timanem se tig-apò te pawà, aw keilangan megtawal-tawal kaw diyà kandin amon isogò din se menge doma otaw meglegani.”

Luc. 10:1

Penga niyan, pinemallì te Pengolo se kepitowan teg dowa otaw, aw insogò din dan teg dowa-dowa doton te kedita te lonsod aw ogpeanan agpet dotonan din, amon megpeketagad se kedita te otaw te pegdateng din.

Ininang 10:19

Dalem niyan te peg-aneng-aneng i Pedro te kinità din, minikagi se Espiritu Santo diyà kandin, “Na, tenà ka den, so doen telo otaw dimateng nengemahà kamno. Ikà egkulu te tomaking kandan, so insogò ko dan.”

Ininang 10:30

Minikagi si Cornelio, “Netelowan pa, migtawal-tawal a diyà te Timanem te alas tris te meapon. Pegketà migpekità diyà kanak se anghil nenaol te mepotì,

Ininang 13:3

Penga niyan, migpowasa dan aw todà dan migtawal-tawal, aw pinemàdan dan si Bernabe aw si Saulo, aw penga niyan impekesayo dan.

Ininang 13:4

Insogò se didowa dan te Espiritu Santo aw yan timegbeng dan pesalo doton te Silusya, aw simakay dan te dakel belangay pesalo doton te polò iningedanan Sipro.

Ininang 14:26

Simakay dan te dakel belangay lekat te Atalya aw minolì dan doton te Antyokya, so yan se linekatan dan. Kedengan te peglekat dan doton te Antyokya, migtawal-tawal se otaw diyà te Timanem amon tebangan din se inang dan, sìyan neinang den dan.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Ininang 22:21

Meneng minikagi se Pengolo, ‘Kesayo ka, so isogò ta doton te mediyò ogpeanan amon megtoladà ka te kagi ko diyà te menge otaw kenà Judiyo.’”

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)

Ininang 6:4

amon megtawal-tawal kay se kenami diyà te Timanem aw megtoladà kay heman.”

Ininang 8:29

Simogò se Espiritu Santo ki Felipe, kagi din, “Egpangi aw tekingi se kelisa sìyan.”

Ininang 9:15

Minikagi se Pengolo, “Doton ka, so sikandin se pinemallì ko amon meg-indan tepad kanak doton te menge otaw kenà Judiyo, aw menge selotan, aw sikiyo menge bowad-bowad i Israel.

Roma 1:1

Siak si Pablo se simolat kani. Sineligan a i Jesu Cristo. Pinemallì a din amon inangen a sebad sogounun din megtoladà te Mèpiya Indan te Timanem tepad ki Cristo.

Roma 10:15

Wedad heman otaw megtoladà kandan singed aw doen isogò doton kandan. Meneng doen den otaw insogò amon megtoladà kandan, so doen insolat kidoen te kagi te Timanem, “Ontò mèpiya se pegdateng te menge otaw egtoladà te Mèpiya Indan.”

Roma 15:16

ininang a din sogounun i Jesu Cristo, aw insogò a din doton te menge otaw kenà Judiyo, so pineokit kanak dimateng den kandan se Mèpiya Indan lekat te Timanem. Yan kininawà den dan te Timanem, so ininang dan egpenimanem pineokit te Espiritu Santo.

1 Korinto 12:11

Se kelekatan te kedita te kebiyasa sìyan, yan se Espiritu Santo, aw lekat te ibeg din egpemegay diyà te teg sebad-sebad kenitadon egpemenal.

1 Korinto 7:5

Ikà niyo eg-eked te pegpeleyokay singed aw megsebad se pedowan niyo te eked kaw pegpeleyokay te pila se aldaw amon tomayod kaw megtawal-tawal. Pegkepenga niyan, todà kaw pegpeleyokay amon eked kaw keboyo i Satanas pineokit te ibeg te lawa niyo.

2 Korinto 11:27

Seini heman se menge neokitan ko. Ontò a migkelomay tandà te terbaho ko. Melikit a kenà egpeketedogi te delem. Egbellosen a, egkelao a, aw melikit kenà botong se kànen ko aw penenaktun. Neketayod a te wedad heman eg-ogpaan ko.

2 Korinto 6:5

Neketayod a pengkey binadas a, aw kineleboso a, aw pengkey sinamok a. Neketayod a den pengkey melima se ininang ko, pengkey wedad tedogi aw wedad kinaen ko, amon eposen ko se inang ko. Meneng neketayod a te kedita te kelimahan sìyan.

Galasya 1:15

Pengkey yan se ininang ko, meneng pineokit te tabang te Timanem, pinemallì a din te wedà a pa tebaw amon inangen a din sogounun i Cristo. Netoman den iyan.

Efeso 3:7

Tandà te tabang te Timanem kanak, ininang a din sogounun megtoladà te Mèpiya Indan pineokit te tolos din.

Kolasas 4:17

Keliwati niyo heman se kagi ko diyà ki Arkipo te keilangan ipengahen din se terbaho insogò te Pengolo tadon kandin.

1 Timoteo 2:7

Yan se doun te ininang a sogounun i Cristo megtoladà te menge otaw kenà Judiyo, amon metaga-taga dan te keilangan memenal dan te kebenalan. Kenà kebolalaw se eg-ikegiyen ko, meneng kebenalan iyan.

2 Timoteo 1:11

Ininang a te Timanem sogounun i Cristo meg-indan aw megtoladà te Mèpiya Indan sìyan,

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.

2 Timoteo 4:11

Si Lucas olò se doma ko dini. Engayi si Marcos aw petekingi sikandin aw domini ka, so meketelaban sikandin te eg-inangen ko dini.

2 Timoteo 4:5

Meneng sikona, Timoteo, keilangan gayed ka tomaking te metòlid. Keilangan megpeketagad ka tomayod te kelimahan. Pegtoladà ka te Mèpiya Indan tepad ki Jesu Cristo. Toman ka te kedita insogò te Timanem kamno.

Menge Hebreo 5:4

Eked kepakay aw megpepallì se otaw te kandin pegkeotawun amon meinang sikandin telekagon te Judiyo, so keilangan Timanem se tomawal te otaw meinang telekagon te Judiyo. Iling kenyan se pegpemallì te Timanem ki Aaron gebii.