Ininang 13:14 - Manobo Sarangani

¹⁴ Nesayo si Pablo aw si Bernabe lekat te Perga aw dimeleg dan doton te Antyokya kidoen te Pisidya. Aldaw te Sebado, dimoton dan te simbahan te Judiyo. Minawop dan aw nenenoo.

Ininang 13:14 ပူးပေါင်းရင်းမြစ်များ

Ininang 16:13

Pegkesebado, dimoton kay te wayeg lowà te Filipos, so doen ekon kidoen tiponanan te menge otaw megtawal-tawal. Nenenoo kay kidoen te kilid te wayeg, aw migpebelaw-belaway kay te menge bayi netipon kidoen.

Ininang 17:2

Migsimba si Pablo so yan se ketanem din. Migtoladà sikandin te kagi te Timanem kidoen te simbahan te kelikit te Sebado taman te telo simana.

Ininang 14:19

Penga niyan, dimateng se menge Judiyo kenà egpemenal lekat te Ikonyo aw Antyokya sakop te Pisidya. Migdeliseg dan te tege Listra, aw yan binontogan dan si Pablo te bato, aw ginoyod dan doton te lowà te lonsod so eden dan aw nematay den.

Ininang 13:5

Pegdateng dan doton, timenà dan doton te lonsod te Salamina, aw migtoladà dan te kagi te Timanem doton te menge simbahan te Judiyo. Timaking heman si Juan, se doma ngadan din si Marcos, so migtelaban kandan.

Ininang 18:4

Kelikit te Sebado, gayed egpeinsaay si Pablo te menge otaw doton te simbahan te Judiyo amon doen menge Judiyo memenal aw pengkey kenà Judiyo.

Ininang 19:8

Dalem te telo se bolan, gayed egdoton si Pablo te simbahan te Judiyo. Wedà sikandin pegketalaw te pegtoladà din kandan tepad te peglowan te Timanem.

Ininang 13:44

Pegdateng te modi Sebado, netipon se kedita te tege Antyokya amon menenalan dan te kagi te Timanem itoladà dan kandan.

Ininang 13:42

Penga te pegtoladà i Pablo, nemoyò se menge otaw te todà dan megtoladà kandan te modi Sebado.

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Luc. 4:16

Penga niyan, minolì si Jesus doton te Nasarit. Yan se lonsod tinillesan din. Pegkesebado, dimoton sikandin te simbahan te Judiyo, so yan se ketanem din. Timindeg sikandin amon megbasa te kagi te Timanem.

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

2 Timoteo 3:11

aw pegpemilang kanak, aw kelimahan ko. Netegahan no se kedita neinang kanak kedengan doton te Antyokya aw Ikonyo aw Listra, aw eden se pemilang dimateng kanak. Meneng impelowà a te Pengolo tadon lekat te kedita niyan.