Ininang 13:13 - Manobo Sarangani

¹³ Penga niyan, simakay si Pablo aw menge doma din te dakel belangay lekat te Papos pesalo doton te Pampilya. Dimeleg dan doton te Perga. Meneng simoway si Juan kandan so minolì doton te Jerusalem.

Ininang 13:13 ပူးပေါင်းရင်းမြစ်များ

Ininang 15:38

Meneng eked keibeg si Pablo, so simoway si Marcos kandan kedengan doton te Pampilya, aw wedà ebey pegtelaban kandan.

Ininang 27:5

Minokit kay doton te lawod te Silisya aw Pampilya. Timenà kay doton te Mira, sebad lonsod kidoen te Lisya.

Ininang 12:12

Pegkeaneng-aneng i Pedro kenyan, dimoton sikandin te balay i Maria, sìyan inay i Juan, se doma ngadan din si Marcos. Tapay netipon se medita otaw kidoen amon megtawal-tawal dan diyà te Timanem tepad kandin.

Ininang 2:10

Doen heman otaw tikedo te Frigya, aw Pampilya, aw Ehipto, aw menge ogpeanan te Libya medapag te Sirene. Doen menge kedowa tadon Judiyo lekat te Roma. Doen heman menge otaw kenà Judiyo egtolò te ketanem tadon Judiyo.

2 Timoteo 4:11

Si Lucas olò se doma ko dini. Engayi si Marcos aw petekingi sikandin aw domini ka, so meketelaban sikandin te eg-inangen ko dini.

Kolasas 4:10

Kineleboso heman doma ko si Aristarco, aw ibeg din ketegahan niyo te eg-aneng-aneng sikandin kenyo. Onawa heman kenyan se kagi i Marcos, sìyan kedowa i Bernabe. Aw domateng sikandin doton kenyo, pegsagman kaw kandin iling te tapay impunù ko kenyo.

Ininang 27:13

Pegdateng te pasbang, eden dan aw mekebatog dan domeleg doton te Fenis. Yan linakon dan se pondo, aw minokit kay medapag te kilid te enay te polò sìyan.

Ininang 15:36

Pegkenamay-namay, minikagi si Pablo diyà ki Bernabe, “Elew, lomikò ki den doton te kedita te lonsod, sìyan pigtoledaan ta te kagi te Pengolo kedengan, amon ketegahan ta aw eden den se kandan pegpemenal.”