Ininang 12:5 - Manobo Sarangani

⁵ Dalem te pegkeleboso ki Pedro, ontò migtawal-tawal se menge otaw egpemenal diyà te Timanem tepad kandin.

Ininang 12:5 ပူးပေါင်းရင်းမြစ်များ

1 Korinto 12:26

Aw elegen se sebad, imenmanen te kedakel te lawa se kesakit. Aw iduyun se sebad, yan meluba se kedakel te lawa.

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.

1 Tesalonika 5:17

Keilangan gayed kaw megtawal-tawal diyà te Timanem.

2 Korinto 1:11

Mèpiya aw megtabang kaw kanak pineokit te pegtawal-tawal niyo diyà te Timanem, amon megpesiontong se medita otaw diyà te Timanem tandà te pegpelowà din kanak pineokit te pegtawal-tawal te medita otaw.

Mat. 18:19

“Mikagi a den heman diyà kenyo, aw doen dowa kenyo dini lanto te tanà, aw megsebad kaw te kenyo pemoyoen diyà te Amay ko doton te langit, metoman iyan meinang so ibegay din iyan diyà kenyo.

Menge Hebreo 13:3

Ikà niyo egkelibel te keilangan megtabang kaw te menge otaw egpemenal kineleboso. Peg-ipat kaw kandan iling te sikiyo heman se kineleboso sipat kandan. Keilangan megtabang kaw heman te menge otaw egpemenal pinemilang iling te sikiyo heman se pinemilang sipat kandan.

Ininang 12:12

Pegkeaneng-aneng i Pedro kenyan, dimoton sikandin te balay i Maria, sìyan inay i Juan, se doma ngadan din si Marcos. Tapay netipon se medita otaw kidoen amon megtawal-tawal dan diyà te Timanem tepad kandin.

Luc. 18:1

Mig-indan si Jesus te tegdeyanan amon ketoledaan dan te keilangan gayed dan megtawal-tawal amon eked dan lengà.

Ininang 12:4

Pegdakep dan kandin, kineleboso aw tinonggoan te sempolò teg enem sondalo. Sebad pongan, teg epat se egtonggò, so ibeg i Herod okomen din si Pedro te pegkepenga te Pista te Pegpelowà amon kitaen te kedita te otaw.

Ininang 12:6

Tengà te delem te wedà pa dateng se aldaw te peg-okom kandin, timedogi si Pedro doton didalem te keleboso. Dowa se sengkalì in-iket kandin. Impetengà-tengà sikandin diyà te dowa sondalo, aw doen heman menge sondalo egtonggò doton te lowà te tetakep.