Ininang 12:4 - Manobo Sarangani

⁴ Pegdakep dan kandin, kineleboso aw tinonggoan te sempolò teg enem sondalo. Sebad pongan, teg epat se egtonggò, so ibeg i Herod okomen din si Pedro te pegkepenga te Pista te Pegpelowà amon kitaen te kedita te otaw.

Ininang 12:4 ပူးပေါင်းရင်းမြစ်များ

Luc. 22:33

Minikagi si Pedro, “Pengolo, neketagad a den tomaking kamno pengkey kelebosowen a aw imetayan a.”

Luc. 21:12

Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

Ininang 4:28

Pengkey inimetayan dan sikandin, meneng se pegketoman niyan, yan se tapay lekat te kamno ibeg.

Ininang 4:3

Dinakep dan si Pedro aw si Juan. Kineleboso dan te sebad se delem amon meinsà dan te keeldawan niyan, so simallep den se aldaw.

Juan 21:18

Eneng-enengi se ikegiyen ko kamno. Te kaling ka pa otaw, sikona se nenaol te kamno pegkeotawun, aw sikona heman se nemallì aw kenan ka pesalo. Meneng aw megketemoay ka, ibegay no se belad no amon geposen ka te menge doma otaw, aw ibingen ka dan doton te kenà no ibeg.”

Mat. 26:5

Minikagi dan, “Keilangan eked kidon pegdakep kandin dalem te pista, amon eked pegsamok se kedita te otaw.”

Mat. 24:9

“Yan kebensihan kaw te keditaan te otaw tandà te pegpesakop niyo diyà kanak, aw dekepen kaw dan amon ipeeleg kaw aw imetayan kaw dan.

Ininang 8:3

Nemilang si Saulo te menge otaw egpemenal, aw timeped te menge balay dan amon dekepen din dan aw kelebosowen, pengkey meama aw bayi.

Ininang 5:18

impedakep dan. Penga niyan, kineleboso dan.

Juan 19:23

Penga te peglansang te menge sondalo ki Jesus diyà te kros, inabat dan se penenaktun linowas din. Pigtalad-talad dan iyan te epat talad amon doen meabat te teg sebad-sebad kandan. Inabat dan heman se melayat saol i Jesus tinibok se inabel wedà palos tebili.

Mar. 14:1

Nayan, dowa mendad se aldaw te pegdateng te Pista te Pegpelowà. Yan se pegpengaen dan te pan kenà eglebag. Gayed mig-aneng-aneng se menge pengolo te simbahan aw menenoladà te punù aw eden se inangen dan amon dekepen dan si Jesus te wedad pa doma otaw metaga-taga amon imetayan dan.

Ininang 12:3

Yan neluba se menge Judiyo kenà egpemenal. Pegketaga-taga i Herod te neluba dan kenyan, impedakep din heman si Pedro. Neinang iyan dalem te pista te pegpengaen te menge Judiyo te pan kenà eglebag.

Ininang 12:5

Dalem te pegkeleboso ki Pedro, ontò migtawal-tawal se menge otaw egpemenal diyà te Timanem tepad kandin.