Ininang 11:20 - Manobo Sarangani

²⁰ Meneng doen menge otaw egpemenal tege Sipro aw tege Sirene dimoton te Antyokya, aw migtoladà dan heman tepad ki Jesus diyà te menge otaw kenà Judiyo.

Ininang 11:20 ပူးပေါင်းရင်းမြစ်များ

Ininang 13:1

Doen menge telekeliwat te kagi te Timanem aw menenoladà te otaw egpemenal kidoen te Antyokya. Sikandan si Bernabe, aw si Simeon, se doma ngadan din si Meitem, aw si Lucio tege Sirene, aw si Saulo, aw si Manaen doma i Herod migpetillesay.

Mat. 27:32

Pegkesayo dan lekat te Jerusalem, netelaan te menge sondalo se tege Sirene ngadan din si Simon. Lineges dan sikandin neniang te kros lensangan ki Jesus.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Ininang 6:9

Doen menge otaw migdindil kandin. Sikandan se menge tege Sirene aw tege Alejandriya egsimba doton te simbahan iningedanan “Tengke Otaw Nekelowà,” aw menge doma dan tege Silisya, aw tege Asya.

Ininang 2:10

Doen heman otaw tikedo te Frigya, aw Pampilya, aw Ehipto, aw menge ogpeanan te Libya medapag te Sirene. Doen menge kedowa tadon Judiyo lekat te Roma. Doen heman menge otaw kenà Judiyo egtolò te ketanem tadon Judiyo.

1 Korinto 2:2

so ibeg ko, sebad olò se itoladà ko kenyo, yan si Jesu Cristo aw pegkematay din kidoen te kros.

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Ininang 9:29

Migtoladà si Saulo te menge Judiyo eg-ikagi te kagi te Griego aw migpebelaw-belaway dan. Meneng ibeg dan imetayan sikandin.

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Ininang 8:35

Nayan, migtebò si Felipe miglebad-lebad diyà kandin te kagi te Timanem sìyan. Migtoladà sikandin te si Jesus se egpelowà te otaw lekat te salà.

Ininang 8:5

Dimoton si Felipe te sebad lonsod doton te Samarya. Migtoladà sikandin te otaw kidoen te si Jesus se Misiyas insogò te Timanem.

Ininang 5:42

Migtoladà dan pa aw migkeliwat te kagi te Timanem, pengkey doton te dakel simbahan, aw doton te menge balay. Kelikit te aldaw, migtoladà dan te si Jesus se Misiyas insogò te Timanem.

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)

Juan 7:35

Pegdineg te menge obanen te Judiyo kenyan, migpeinsaay dan, “Kenan lay pesalo sikandin te eked tadon kitai? Domoton lay sikandin te mediyò lonsod eg-ogpaan te menge Judiyo nesakop te kenà Judiyo amon megtoladà te menge otaw kenà Judiyo?

Ininang 6:1

Nayan, migkedita se otaw egpemenal. Meneng migpedindilay se menge otaw egpemenal eg-ikagi te Griego aw doma eg-ikagi te Hebreo, so minikagi se menge otaw eg-ikagi te Griego te deitek olò se togpò inteped diyà te kandan menge bayi balo te kelikit te aldaw.

Ininang 6:5

Pegdineg te kedita te otaw egpemenal kenyan, aneng-aneng dan, mèpiya iyan inangen. Yan pinemallì dan si Esteban, so egpemenal sikandin diyà te Timanem te kedakel te pedowan din, aw egbeyà-beyaan heman te Espiritu Santo. Se doma otaw pinemallì dan, yan si Felipe, aw si Procoro, aw si Nicanor, aw si Timon, aw si Parmenas, aw si Nicolas tege Antyokya timolò te ketanem te menge Judiyo pengkey kenà sikandin Judiyo.

Ininang 11:19

Pegkematay i Esteban, pinemilang se menge otaw egpemenal. Pegkadas dan, migbilit-bilit dan doton te Fenisya, aw Sipro, aw Antyokya kidoen te Sirya. Mig-indan dan te kagi te Timanem diyà te doma dan menge Judiyo mig-ogpà kidoen.

Ininang 11:22

Pegketaga-taga te menge otaw egpemenal doton te Jerusalem, insogò dan si Bernabe doton te Antyokya.

Ininang 11:26

Pegkità din kandin, inibing din doton te Antyokya. Mig-ogpà dan kidoen te sebad se omay. Migtoladà dan te menge otaw egpemenal. Se menge otaw egpemenal doton te Antyokya, yan se monà iningedanan Sakop i Cristo.

Ininang 11:27

Dalem te kidoen dan pa te Antyokya, doen menge telekeliwat te kagi te Timanem dimateng lekat te Jerusalem.

Ininang 14:26

Simakay dan te dakel belangay lekat te Atalya aw minolì dan doton te Antyokya, so yan se linekatan dan. Kedengan te peglekat dan doton te Antyokya, migtawal-tawal se otaw diyà te Timanem amon tebangan din se inang dan, sìyan neinang den dan.

Ininang 15:22

Penga niyan, migsebad se aneng-aneng te kedita te otaw egpemenal sipat menge sogounun i Cristo aw menge egpengibing te simbahan. Pinemallì dan se dowa otaw tomaking ki Pablo aw si Bernabe domoton te Antyokya. Se pinemallì dan, yan si Silas aw si Judas, se doma ngadan din si Barsabas, so induyun dan te kedita te otaw egpemenal.

Ininang 15:23

Seini se kagi te solat impeibing kandan. “Menge kedowa day kenà Judiyo doton te Antyokya, aw Sirya, aw Silisya. Se simolat kani, yan se menge sogounun i Cristo aw egpengibing te simbahan. Sikami se kedowa niyo.

Ininang 15:30

Penga niyan, nesayo se insogò dan pesalo doton te Antyokya. Pegdateng dan doton te Antyokya, pigtipon dan se kedita te otaw egpemenal. Imbegay dan se solat diyà kandan.

Ininang 18:22

Pegdateng din doton te Sesarya, dimeleg doton te Jerusalem amon gomemaw te menge otaw egpemenal kidoen. Penga niyan, dimoton te Antyokya.

Galasya 2:11

Doen aldaw ontò ko sinagda si Pedro, so doen ininang din kenà mèpiya. Pegdateng din doton te Antyokya,