Ininang 11:14 - Manobo Sarangani

¹⁴ Megtoladà sikandin kamno aw kedita te otaw eg-ogpà diyà te balay nikaw. Yan mekelowà kaw lekat te salà niyo.’

Ininang 11:14 ပူးပေါင်းရင်းမြစ်များ

Ininang 16:15

Binonyagan sikandin sipat kedita te otaw mig-ogpà diyà kandin. Penga niyan, minikagi sikandin, “Aw nemenal kaw te nelobos se pedowan ko diyà te Pengolo, peg-ogpà kaw den doton te balay ko.” Ontò migpeido-ido si Lydia aw yan timandù kay.

Ininang 10:22

Timaba dan, “Insogò kay te sebad serhinto si Cornelio olo te sebad gatos sondalo. Sikandin se otaw egpenimanem aw egtolò te Timanem, aw induyun sikandin te medita Judiyo. Doen anghil te Timanem migpunù kandin te ipeangay ka din amon megtoladà ka kandin.”

Ininang 10:6

Mig-ogpà sikandin medapag te dagat doton te balay te kesangay din si Simon biyasa eglanit te kindal te ayam-ayam.”

Ininang 10:2

Egpenimanem sikandin pengkey kenà Judiyo. Gayed sikandin egtolò te Timanem sipat menge doma otaw eg-ogpà diyà te balay din. Egtebangan din se menge Judiyo nelimahan, aw gayed egtawal-tawal diyà te Timanem.

Ininang 2:39

Migpakang se Timanem te ibegay din se Espiritu Santo diyà kenyo, aw diyà te batà niyo, aw diyà te otaw mediyò, so ibegay din diyà te kedita te otaw tewalen din.”

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Genesis 17:7

Tomanen ko se pakang ko diyà kamno aw diyà te menge bowad-bowad nikaw te wedad temanan. Siak se Timanem meg-ipat kamno aw menge bowad-bowad nikaw te modi aldaw.

Juan 12:50

Netegahan ko te punù te Timanem se kelekatan te kaling pedowan wedad temanan. Yan se doun te gayed ko ipegkeliwat se kagi impunù din kanak.”

Juan 6:63

Timanem olò se mekebegay te kaling pedowan. Eked iyan keabat pineokit te pagod te otaw. Meneng se kebenalan intoladà ko kenyo, yan se lekat te Timanem aw mekebegay te kaling pedowan.

Juan 4:53

Penga niyan, neeneng-enengan din te yan se oras te peg-ikagi i Jesus te negolian den se batà din. Yan se doun te nemenal sikandin ki Jesus aw kedita te doma otaw mig-ogpà kidoen te balay din.

Luc. 19:10

Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

Mar. 16:16

Aw memenal se otaw kenyan, aw megpebonyag, ipelowà sikandin lekat te salà. Meneng aw eked pemenal se otaw, ipelumun sikandin.

Genesis 18:19

Pinemallì ko sikandin amon megtoladà sikandin te menge batà din aw menge bowad-bowad din te keilangan tomolò dan kanak, aw keilangan meg-inang dan te metòlid. Aw yan se inangen dan, tomanen ko se kedita te impakang ko diyà kandin.”

1 Korinto 1:16

(Nekeaneng-aneng a den te binonyagan ko heman si Estepanos aw pamilya din. Wedad den doma neeneng-enengan ko.)

Ininang 18:8

Se egpengibing te simbahan te Judiyo si Crispo, nemenal te Pengolo sipat kedita te otaw eg-ogpà diyà te balay din. Nemenal heman se medita doma otaw doton te Korinto aw binonyagan dan.

Ininang 10:43

Kedita te telekeliwat te kagi te Timanem simolat te pegwedaden se salà te kedita te otaw memenal ki Jesus.”

Juan 6:68

Timaba si Simon, se doma ngadan din si Pedro, kagi din, “Pengolo, wedad palos doma tekingan day, so sebad no se egtoladà tepad te kaling pedowan wedad temanan.

Ininang 11:13

Mig-indan sikandin kenami tepad te pegkità din te anghil doton te balay din. Minikagi se anghil, ‘Sogò ka te otaw domoton te Jopa amon mangay ki Simon, se doma ngadan din si Pedro.