Pegpemaed i Pablo kandan, dimateng se Espiritu Santo diyà kandan, aw nekeikagi dan te medita kemolò kagi te doma otaw, aw kimeliwat dan heman te kagi te Timanem.
Netegahan te Timanem aw melobos se pedowan te kedita te otaw. Impetaga-taga din te sinakop din den se menge otaw kenà Judiyo pineokit te pegpemegay din te Espiritu Santo diyà kandan onawa te pegpemegay din diyà kenitadon kedengan.
Pegtawal-tawal dan diyà te Timanem, nekayong se balay netiponan dan, so dimateng se Espiritu Santo kandan. Lekat niyan, wedà dan kelemitan te peg-indan dan te kagi te Timanem diyà te menge doma otaw.