Ininang 10:22 - Manobo Sarangani

²² Timaba dan, “Insogò kay te sebad serhinto si Cornelio olo te sebad gatos sondalo. Sikandin se otaw egpenimanem aw egtolò te Timanem, aw induyun sikandin te medita Judiyo. Doen anghil te Timanem migpunù kandin te ipeangay ka din amon megtoladà ka kandin.”

Ininang 10:22 ပူးပေါင်းရင်းမြစ်များ

Ininang 11:14

Megtoladà sikandin kamno aw kedita te otaw eg-ogpà diyà te balay nikaw. Yan mekelowà kaw lekat te salà niyo.’

Ininang 10:2

Egpenimanem sikandin pengkey kenà Judiyo. Gayed sikandin egtolò te Timanem sipat menge doma otaw eg-ogpà diyà te balay din. Egtebangan din se menge Judiyo nelimahan, aw gayed egtawal-tawal diyà te Timanem.

3 Juan 1:12

Ipegduyun si Demetrio te kedita te otaw, so egtaking sikandin te Timanem aw impekità din iyan pineokit te mèpiya inang din. Ipegduyun ko heman sikandin, aw netegahan no heman te benal se kagi ko.

2 Pedro 3:2

Ibeg ko meg-aneng-aneng kaw tepad te kagi insolat te menge telekeliwat te kagi te Timanem gebii, aw tepad te insogò te Pengolo tadon migpelowà kenitadon, sìyan impetaga-taga din diyà kenyo pineokit te menge sogounun din.

Menge Hebreo 12:23

Nekeakop kidon den doma te menge batà te Timanem insolat se ngadan dan doton te langit. Wedad den kelemitanan tadon diyà te Timanem meg-osay te kedita, so impeakop kidon din diyà te kedita te menge doma sakop din nematay den aw ininang din den ontò metòlid doton te langit.

Menge Hebreo 11:2

Se menge otaw gebii, yan se induyun te Timanem, so simalig dan diyà kandin.

Menge Hebreo 10:38

Se menge otaw eg-eneng-enengen ko te metòlid dan, yan se meketayod te pengkey eden se kelimahan tandà te pegsalig dan kanak. Meneng aw lomengà se otaw tomaking kanak tandà te ketalaw din, eked a keluba kandin.”

1 Timoteo 3:7

Keilangan mèpiya se eg-inangen din amon segmanen sikandin te menge otaw kenà egpemenal, so aw pemellien se otaw kenà egsegmanen, mekeyèyaay besi sikandin aw keekalan i Satanas.

2 Korinto 5:18

Lekat te ibeg te Timanem, ininang din se dalan pesalo doton kandin amon megsebad se pedowan tadon te Timanem pineokit ki Cristo. Insogò a din den megtoladà diyà te kedita te otaw te doen den dalan ininang te Timanem pesalo doton kandin, amon megsebad se pedowan tadon diyà kandin pineokit ki Cristo, aw amon pegwedaden din heman se salà tadon. Insalig din kanak se mèpiya indan sìyan amon itoladà ko diyà te menge doma otaw.

Roma 1:17

Pineokit te Mèpiya Indan tepad ki Cristo, impetaga-taga te Timanem te eneng-enengen din te metòlid se otaw aw memenal dan, so doen kagi te Timanem insolat gebii, kagi din, “Se menge otaw eneng-enengen te Timanem te metòlid dan pineokit te pegpemenal dan, yan se begayan te Timanem te kaling pedowan wedad temanan.”

Ininang 24:15

Onawa heman se egpelimanan ko aw menge otaw neopal kanak, so egpelimanan ko heman se peg-antay te Timanem te kedita te otaw lekat te nematay, pengkey otaw egpenimanem aw otaw kenà egpenimanem.

Ininang 22:12

Doen sebad otaw eg-ogpà kidoen si Ananias ontò measeb egtolò te punù ingkeliwat i Moises aw induyun te kedita te Judiyo.

Ininang 10:33

Yan se doun te ayas ta impeangay. Mèpiya so dini ka den. Na, elew, netipon se kedita day amon menenalan kay te kagi te Pengolo ikeliwat no kenami.”

Ininang 10:6

Mig-ogpà sikandin medapag te dagat doton te balay te kesangay din si Simon biyasa eglanit te kindal te ayam-ayam.”

Ininang 6:3

Menge kedowa day, mèpiya aw pemellien niyo se pito meama, sìyan mèpiya otaw egbeyà-beyaan te Espiritu Santo aw ontò biyasa. Penga niyan, sikandan se meneped te togpò,

Juan 17:20

“Kenà olò sakop ta seini se intawal-tawal ko den diyà kamno, meneng kedita heman te doma otaw memenal kwani kanak pineokit te itoladà dan kandan.

Juan 17:8

Ingkeliwat ko diyà kandan se kebenalan insalig no kanak, aw nemenal den dan kenyan. Netegahan den dan heman te benal sikona se tinikedowan ko. Nemenal den dan te insogò a nikaw.

Juan 13:20

Eneng-enengi niyo se kagi ko kenyo. Aw megsagman se otaw te menge sogounun ko, segmanen a din heman. Aw megsagman se otaw kanak, segmanen din heman se Amay ko simogò kanak.”

Juan 6:68

Timaba si Simon, se doma ngadan din si Pedro, kagi din, “Pengolo, wedad palos doma tekingan day, so sebad no se egtoladà tepad te kaling pedowan wedad temanan.

Juan 6:63

Timanem olò se mekebegay te kaling pedowan. Eked iyan keabat pineokit te pagod te otaw. Meneng se kebenalan intoladà ko kenyo, yan se lekat te Timanem aw mekebegay te kaling pedowan.

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Luc. 23:50

Nayan, doen otaw si Jose tege Arimatiya sakop te probinsya te Judiya. Mèpiya otaw sikandin, aw gayed eg-inang te metòlid, aw egpeliman te peglowan te Timanem. Pengkey sikandin se sebad obanen diyà te menge obanen eglowan diyà te menge Judiyo, meneng wedà tandù diyà te medaet piglalang te menge doma din obanen, sìyan ininang den dan diyà ki Jesus.

Luc. 2:25

Nayan, doen sebad tege Jerusalem si Simeon. Eg-inang sikandin te metòlid, aw egtolò heman te Timanem. Gayed sikandin egpeliman te megpelowà se Timanem te menge bowad-bowad i Israel. Eg-ogpaan sikandin te Espiritu Santo,

Mar. 8:38

Aw eked ikagi se otaw te sikandin se sakop ko, aw eked heman tolò te kagi ko meneng tomaking te otaw nelegeb te salà egtinàyog te Timanem, yan se otaw eked ko heman ikegihi te sikandin se sakop ko te peglikò ko. Siak se Timanem Migpekeotaw, aw lomikò a pa dini tekingan te kelangkaw te Amay ko aw sipat menge anghil te Timanem.”

Mar. 6:20

so egsagman si Herod ki Juan, so netegahan din te gayed eg-inang si Juan te metòlid, aw wedad salà ininang din. Yan se doun te eked kepakay diyà kandin aw imetayan si Juan. Egkeibeg si Herod domineg te ipegtoladà i Juan, meneng pegdineg din kenyan, ontò migkebulung se aneng-aneng din.

Mat. 1:19

Mèpiya otaw se salà din si Jose. Pegketaga-taga din te miglaman den si Maria, mig-aneng-aneng sikandin te eked den ipid ki Maria. Ibeg i Jose osayen dan te wedad metaga-taga amon eked keyàyà si Maria.

Mat. 2:12

Nayan, migpunù se Timanem diyà kandan pineokit te tegeinep te eked kepakay aw lomikò dan doton ki Herod. Yan se doun te minokit dan te sebad dalan te peg-olì dan doton te kandan ogpeanan.

Luc. 9:26

Aw eked ikagi se otaw te sikandin se sakop ko, aw eked heman tolò te kagi ko, yan se otaw eked ko heman ikegihi te sikandin se sakop ko te peglikò ko dini. Siak se Timanem Migpekeotaw, aw lomikò a pa dini tekingan te keanyag ko, aw keanyag te Amay ko, aw keanyag te menge anghil te Timanem.

Ininang 10:21

Penga niyan, timenà si Pedro aw mig-insà kandan, kagi din, “Siaken se otaw pinengemahà niyo. Eden lay se tod niyo kanak?”

Ininang 10:30

Minikagi si Cornelio, “Netelowan pa, migtawal-tawal a diyà te Timanem te alas tris te meapon. Pegketà migpekità diyà kanak se anghil nenaol te mepotì,

Impekità 14:10

ipesipat kaw heman diyà te otaw ipelumun te Timanem, so neketagad den sikandin megpelumun te wedad keido din. Dalem te pegtonggò te Karniro aw menge anghil te Timanem, ipelumun te Timanem se otaw te apoy aw esopri.