Ininang 10:11 - Manobo Sarangani

¹¹ Kinità din se langit neowang. Doen migpedanà diyà kandin iling te dakel bekas intonton lekat te langit aw inewidan diyà te epat dogong.

Ininang 10:11 ပူးပေါင်းရင်းမြစ်များ

Efeso 3:6

Seini se kebenalan impetaga-taga din den. Sikiyo menge otaw kenà Judiyo, so nemenal kaw te Mèpiya Indan tepad ki Jesu Cristo, aw migpesakop kaw diyà kandin, begayan kaw heman te Timanem te kedita onawa te ibegay din diyà te menge Judiyo egpemenal. Ipeakop kaw din heman diyà te otaw lowanan i Cristo doma te menge Judiyo. Begayan kaw heman te Timanem te impakang din, onawa te ibegay din diyà te menge Judiyo egpemenal.

Juan 1:51

Minikagi heman si Jesus, “Eneng-enengi se kagi ko kamno, so komità kaw te langit meowang, aw kitaen niyo heman se menge anghil te Timanem menayit aw tomenà diyà kanak Timanem Migpekeotaw.”

Impekità 19:11

Penga niyan, kinità ko se langit neowang, aw doen kodà mepotì. Se otaw simakay kenyan, yan se doen doma ngadan din si Keseligan, aw si Kebenalan. Metòlid se kedita te pegpelumun din aw peglompak din te poon din.

Impekità 11:19

Penga niyan, neowang se dakel simbahan te Timanem kidoen te langit, aw kinità se kaban sinolan te pakang te Timanem insolat gebii. Migkilem, aw dimaging, aw migkilat, aw miglinog, aw nedagdag heman se dedakel odan netikbolò aw megenaw.

Impekità 4:1

Penga niyan, doen pa heman doma impekità te Pengolo kanak, so kinità ko se lelebangan neowang kidoen te langit. Se otaw tapay minikagi diyà kanak te ontò dakel se kagi din iling te peg-edop te bodyong, yan se todà minikagi, “Penayit ka diyà, so ipekità ko kamno aw eden se metoman domateng te modi aldaw.”

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Efeso 1:10

Aw domateng se aldaw, tomanen te Timanem se tod din. Pegsebaden din se kedita te ininang din, pengkey doton diatas te langit aw dini lanto te tanà, aw ipelowan din si Cristo diyà te kedita niyan.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Galasya 2:15

Sikami Judiyo, kenà kay iling te menge doma otaw kenà Judiyo, sìyan gayed eglàpang te punù te Timanem,

Roma 9:4

Ontò den dan netebangan, so gebii pinemallì te Timanem se menge bowad-bowad i Israel, aw pigbatà din dan. Sikandan se pinekitaan din te kelangkaw din. Sikandan heman se pinekangan din te tebangan din dan. Sikandan se sineligan din te menge punù ingkeliwat i Moises. Sikandan se tinoledaan din tepad te pegsimba dan kandin. Medita heman se pakang din kandan.

Roma 1:16

Nayan, ontò dakel se pegsalig ko diyà te Mèpiya Indan sìyan, so yan se tolos te Timanem mekepelowà te kedita te otaw lekat te salà aw memenal dan kenyan. Nekeonà se menge Judiyo dimineg kenyan, aw penga niyan se menge otaw kenà Judiyo.

Ininang 7:56

Minikagi si Esteban, “Tay. Kinità ko se langit neowang, aw kidoen se Timanem Migpekeotaw eglowan den tangkil te Timanem.”

Juan 12:32

Meneng penga te pegsawol kanak kidoen te kayo intollok, ipetaking ko se kedita te otaw kanak lekat te kebelad te keneyonan.”

Juan 11:52

Kenà olò menge Judiyo se ketebangan din, meneng sekopen te Timanem se kedita te otaw inangen din menge batà din, pengkey kenan dan peg-ogpà.

Luc. 3:21

Meneng dalem pa te pegbonyag i Juan te kedita te otaw, migpebonyag heman si Jesus. Penga niyan, dalem te pegtawal-tawal i Jesus, neowang se langit,

Mat. 8:11

Metoman se kagi ko seini. Aw domateng se aldaw te peglowan te Timanem, medita se otaw domateng lekat te kedita te ogpeanan te keneyonan, pengkey kenà dan Judiyo. Ipeakop dan diyà te peglowan te Timanem sipat kemonaan niyo si Abraham, aw si Isaac, aw si Jacob.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Ininang 10:12

Awop niyan se ontò medita kemolò te menenanap aw ayam-ayam aw manok.

Ininang 11:5

Minikagi sikandin, “Pegtawal-tawal ko doton te Jopa, doen impekità te Timanem diyà kanak. Doen migpedanà diyà kanak iling te dakel bekas intonton lekat te langit aw inewidan diyà te epat dogong.