Ininang 1:9 - Manobo Sarangani

⁹ Penga niyan te telobo dan pa timengteng ki Jesus, neengat sikandin doton te langit. Neselibengan sikandin te labon.

Ininang 1:9 ပူးပေါင်းရင်းမြစ်များ

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Impekità 11:12

Penga niyan, doen dinineg dan minikagi lekat te langit, kagi din, “Diyà kaw den te langit.” Penga niyan, neengat dan tinekingan te labon, aw kinità iyan te kedita te poon dan.

Juan 6:62

Labi pa besi se kebensi niyo aw kitaen a niyo Timanem Migpekeotaw aw megpeengat a doton te langit eg-ogpaan ko kedengan.

Luc. 21:27

Penga niyan, kitaen te kedita te otaw se pegdateng ko, so lomikò a Timanem Migpekeotaw tekingan te labon. Komità dan te metolos a aw ontò a melangkaw.

Impekità 14:4

Wedà dan layok te kenà kandan esawa, so wedà dan pengognan. Egtaking dan te Karniro pengkey kenan pesalo. Impelowà din dan lekat te salà kidoen te keneyonan, aw neinang dan iling te pongo monà geniyen ibegay diyà te Timanem aw diyà te Karniro.

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.

Ininang 1:11

Minikagi se anghil, “Sikiyo tege Galiliya, ikà niyo eglengag. Neengat den si Jesus doton te langit, meneng todà sikandin lomikò dini te tanà onawa te pegkeengat din kinità niyo seini.”

1 Tesalonika 4:17

Penga niyan, sikitadon wedà pa kematay se engaten din sipat kandan doton te menge labon, aw megkità kidon te Pengolo tadon doton. Yan gayed kidon meg-ogpà doma te Pengolo tadon te wedad temanan.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.