Ininang 1:8 - Manobo Sarangani

⁸ Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Ininang 1:8 ပူးပေါင်းရင်းမြစ်များ

Mat. 24:14

Onà itoladà se Mèpiya Indan tepad te peglowan te Timanem doton te kebelad te keneyonan, amon domineg se kedita te otaw. Penga niyan, domateng se temanan te keneyonan.”

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

Mar. 16:15

Penga niyan, minikagi si Jesus, “Doton kaw den te kebelad te keneyonan. Pegtoladà kaw te Mèpiya Indan tepad kanak diyà te kedita te otaw.

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Luc. 10:19

Ikà niyo egkelibel kani. Doen tolos imbegay ko kenyo amon domaeg kaw te kedita te sakop i Satanas. Pengkey gìtan niyo se memokan aw doma mekeilo, meneng eked kaw elegi, so wedad palos meleg kenyo.

Luc. 24:29

Meneng ontò dan sikandin tinemengan, kagi dan, “Idegà ka den dini kenami, so ontò den meapon aw agpet den delem.” Penga niyan, timaking si Jesus kandan.

Juan 15:27

Meg-indan kaw heman diyà te doma otaw tepad kanak, so migdoma kaw kanak lekat te ketebò te pegtoladà ko lamig seini.

Ininang 1:5

Kedengan, pineokit te wayeg se pegbonyag i Juan. Meneng sebad kemolò se pegbonyag te Timanem kenyo, so te eked kenamay, domateng se Espiritu Santo kenyo.”

Ininang 13:31

Nenamay sikandin migpekità diyà te menge otaw timaking kandin kedengan lekat te Galiliya pesalo doton te Jerusalem. Eg-indan den dan diyà kenitadon menge Judiyo te benal kinità dan.

Ininang 2:32

Netoman den iyan, so inantay te Timanem si Jesus lekat te nematay, aw kinità te kedita day te neantay sikandin lekat te nematay.

Ininang 22:15

Ibeg din, meg-indan ka diyà te kedita te otaw te kinità no aw dinineg nikaw.

Ininang 3:15

Inimetayan niyo se egpemegay te kaling pedowan lekat te Timanem, meneng inantay sikandin te Timanem lekat te nematay. Benal iyan, so kinità day sikandin neantay.

Ininang 4:33

Mig-inang se menge sogounun i Cristo te kepelahan, aw mig-indan dan te benal neantay se Pengolo si Jesus lekat te nematay. Ontò tinebangan te Timanem se kedita te otaw egpemenal.

Ininang 5:32

Mig-indan kay te benal iyan neinang so impeikagi kay te Espiritu Santo, sìyan ibegay te Timanem diyà te kedita te otaw tomolò kandin.”

Ininang 6:8

Ontò tinebangan te Timanem si Esteban, aw ininang din se inang metolos, aw impekità din se kepelahan diyà te doma otaw.

Ininang 8:1

Tinandù i Saulo se pegpengimatay dan ki Esteban. Inlebeng te menge otaw egpenimanem se lawa din. Ontò dan migkelag tandà te lano dan kandin. Lekat te aldaw te pegkematay i Esteban, ontò pinemilang se kedita te otaw egpemenal doton te Jerusalem. Yan nesayo dan aw migbilit-bilit dan doton te menge lonsod te Judiya aw Samarya. Meneng mig-ogpà pa se menge sogounun i Cristo doton te Jerusalem.

Roma 10:18

Pengkey wedà pemenal se keditaan te Judiyo, meneng ikà niyo eg-aneng-aneng te wedà dan indani te kebenalan. Inindanan den dan, so doen kagi te Timanem insolat, “Dinineg den iyan te kedita te otaw dini lanto te tanà. In-indan den iyan doton te kebelad te keneyonan.”

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.