Ininang 1:4 - Manobo Sarangani

⁴ Pegdoma i Jesus kandan, migpunù sikandin te eked dan pa kesayo lekat te Jerusalem, so minikagi sikandin, “Keilangan megtagad kaw te pegketoman te impakang te Timanem, so yan se tapay ko intoladà kenyo.

Ininang 1:4 ပူးပေါင်းရင်းမြစ်များ

Luc. 24:49

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Juan 14:16

Memoyò a diyà te Amay ko amon memegay kenyo te Teletabang somelilin kanak, aw meg-ogpà sikandin kidoen kenyo te wedad temanan.

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.

Ininang 2:33

Ininang den si Jesus melangkaw doton te langit aw timangkil te Amay din. Tinoman den te Timanem se pakang din ki Jesus te isogò se Espiritu Santo, aw yan se kinità niyo gina aw dinineg niyo.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Juan 20:22

Penga te peg-ikagi din kenyan, mig-edop sikandin diyà kandan aw minikagi, “Domateng se Espiritu Santo kenyo.

Luc. 12:12

so toledaan kaw te Espiritu Santo aw eden se ikegiyen niyo kandan te aldaw sìyan.”

Luc. 11:13

Nayan, pengkey doen medaet eg-inangen niyo, meneng gayed mèpiya se ipegpemegay niyo diyà te menge batà niyo. Labi pa se Amay niyo Timanem kidoen te langit, so egpemegay sikandin te Espiritu Santo diyà te kedita te otaw memoyò diyà kandin.”

Ininang 10:41

Wedà sikandin kitai te kedita te otaw, meneng sikami pinemallì te Timanem se kimità kandin, aw kimaen kay doma kandin penga te pegkeantay din lekat te nematay.

Mat. 10:20

Kenà lekat te kenyo kebiyasa se ikegiyen niyo, meneng mikagi se Espiritu Santo isogò te Timanem Amay niyo pineokit kenyo.