Ininang 1:24 - Manobo Sarangani

²⁴ Penga niyan, migtawal-tawal dan diyà te Timanem, “Pengolo, netegahan no se pedowan te kedita te otaw. Yan petega-tegahi kenami aw sinu se otaw pinemallì no

Ininang 1:24 ပူးပေါင်းရင်းမြစ်များ

Ininang 15:8

Netegahan te Timanem aw melobos se pedowan te kedita te otaw. Impetaga-taga din te sinakop din den se menge otaw kenà Judiyo pineokit te pegpemegay din te Espiritu Santo diyà kandan onawa te pegpemegay din diyà kenitadon kedengan.

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

Roma 8:27

Netaga-taga se Timanem Amay aw eden se awop te pedowan tadon, aw netegahan din heman aw eden se aneng-aneng te Espiritu Santo, so egpemoyoen te Espiritu Santo diyà te Timanem se tabang din kenitadon menge sakop din lekat te kandin ibeg.

Ininang 14:23

Doen heman otaw pinemallì i Pablo aw si Bernabe doton te teg sebad-sebad lonsod, amon isawol dan egpengibing te simbahan. Doen aldaw migpowasa dan, aw nemoyò dan te tebangan dan te Pengolo egseligan dan.

Ininang 6:6

Impeasdang dan diyà te menge sogounun i Cristo. Migtawal-tawal se menge sogounun i Cristo aw pinemàdan dan se pito otaw sìyan.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.