Ininang 1:16 - Manobo Sarangani

¹⁶ “Menge kedowa ko, netoman den se kagi te Timanem impesolat te Espiritu Santo ki David tepad ki Judas. Sikandin se nengibing te menge otaw migdakep ki Jesus.

Ininang 1:16 ပူးပေါင်းရင်းမြစ်များ

Juan 13:18

Meneng kenà kedita niyo se pinunuan ko kani. Netegahan ko aw eden se awop te pedowan te kedita niyo pinemallì ko, aw keilangan metoman se kagi te Timanem insolat, ‘Pengkey tomogen se sebad otaw kanak, meneng peelegen a din pa.’

Ininang 1:20

“Doen kagi tapay insolat diyà te libro te Delangan, ‘Kebàtan se inogpaan din. Wedad otaw meg-ogpà kidoen.’ Doen heman insolat, ‘Mèpiya aw isawol se doma otaw somelilin kandin.’ Yan se kagi impesolat te Timanem.

Mat. 26:56

Meneng neinang se kedita nini amon metoman se insolat te menge telekeliwat te kagi te Timanem gebii tepad kanak.” Penga niyan, kimadas se kedita te tinoledaan i Jesus, aw tinenanan dan sikandin.

Mat. 26:54

Meneng simpana tebangan a dan, eked den ketoman se kagi te Timanem insolat gebii te metoman a detengan te kelimahan.”

Mat. 26:47

Telobo pa minikagi si Jesus, dimateng si Judas, sìyan tinoledaan i Jesus. Ontò medita se otaw timaking kandin, aw migkekamang dan te menge podok aw batota. Insogò dan te menge pengolo te simbahan aw menge obanen te Judiyo.

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

Mar. 14:43

Telobo pa minikagi si Jesus, pegketà dimateng si Judas, sìyan tinoledaan i Jesus. Medita se otaw timaking kandin, aw migkekamang dan te menge podok aw batota. Insogò dan te menge pengolo te simbahan aw menge menenoladà te punù ingkeliwat i Moises aw menge obanen te Judiyo.

2 Pedro 2:21

Pengkey medaet aw eked palos ketaga-taga se otaw te doen peokit ininang te Timanem amon meg-aneng-aneng sikandin te metòlid kidon, meneng labi pa medaet aw metaga-taga se otaw kenyan aw penga niyan tominàyog dan kenyan aw eked dan tolò te kagi te Timanem intoladà diyà kandan.

Ininang 23:6

Netaga-taga si Pablo te kenà egsebad se kedita te obanen te simbahan, so doen egpelenged te Sadusiyo, aw doen doma otaw egpelenged te Parisiyo. Yan minikagi si Pablo diyà kandan, “Menge kedowa ko, siaken se egpelenged te Parisiyo, aw kemonaan ko heman se egpelenged te Parisiyo. Impedini a amon insaen a niyo te aldaw seini, so egpeliman a te peg-antay te Timanem te otaw lekat te nematay.”

Ininang 23:1

Yan timengteng si Pablo diyà te kedita te obanen te simbahan aw minikagi sikandin, “Menge kedowa ko, pengkey eden se neinang ko, meneng netegahan ko te ontò metòlid se aneng-aneng ko diyà te Timanem lamig songkani.”

Ininang 22:1

Kagi din, “Menge kedomaan ko aw obanen, penenalan kaw te ikegiyen ko kenyo.”

Ininang 15:7

Nenamay dan migpebelaw-belaway. Penga niyan, timindeg si Pedro aw minikagi, “Menge kedowa ko, netegahan niyo den besi te siak se pinemallì te Timanem diyà te kedita tadon amon megtoladà a te Mèpiya Indan diyà te menge otaw kenà Judiyo amon memenal dan.

Ininang 13:38

“Menge kedowa ko, ibeg ko ketegahan niyo den te pineokit te pegkematay i Jesu Cristo, in-indan kenyo se pegwedad te salà. Eked kaw pekelowà lekat te salà pineokit te pegtolò niyo te punù ingkeliwat i Moises, meneng pineokit ki Jesu Cristo mekelowà se kedita te otaw memenal kandin.

Ininang 13:15

Migbasa se egpengibing te simbahan te kagi te Timanem insolat i Moises aw menge doma telekeliwat te kagi te Timanem. Penga niyan, nemoyò se egpengibing te simbahan diyà ki Pablo aw si Bernabe, kagi dan, “Menge kedowa day, aw doen itoladà niyo diyà te kedita day netipon, mepakay aw megtoladà kaw den.”

Ininang 7:2

Timaba si Esteban, kagi din, “Menge kedowa aw emayen ko, penenalan kaw kanak. Gebii pa te peg-ogpà i Abraham doton te Mesopotamya, te wedà pa alin doton te Haran, migpekità se Timanem diyà kandin lekat te langit.

Ininang 2:37

Pegdineg te menge otaw te inikagi i Pedro, ontò neantag se pedowan dan. Mig-insà dan ki Pedro aw doma sogounun i Cristo, kagi dan, “Elew, megmeno kay?”

Ininang 2:23

Pengkey tapay netegahan te Timanem aw eden se inangen niyo ki Jesus, meneng lekat te ibeg te Timanem se pegdakep niyo ki Jesus. Impelansang niyo sikandin te medaet otaw diyà te kros aw impeimatay niyo,

Juan 19:36

Peg-inang te menge sondalo kenyan, netoman se pakang tapay insolat diyà te kagi te Timanem, “Wedad palos tòlan din pentigen.”

Juan 10:35

Nayan, eked kepakay aw todaen se kagi te Timanem. Yan so tinawal din menge timanem se otaw insogò din gebii,

Luc. 22:47

Telobo pa minikagi si Jesus, dimateng se medita otaw kidoen. Inibing dan i Judas, sìyan tinoledaan i Jesus. Migpedapag sikandin diyà ki Jesus amon mengadek kandin.

Mar. 12:36

Meneng minikagi si David te Pengolo din se Misiyas. Pineokit te pegbayà-bayà te Espiritu Santo ki David, insolat din se kagi seini, ‘Minikagi se Timanem diyà te Pengolo ko, Penenoo ka dini te tangkil ko lamig dàgen ko se menge poon no aw ipetolò ko dan kamno.’

Ininang 28:25

Wedà dan peg-onawa. Nesayo dan penga te peg-ikagi i Pablo kani, “Benal se kagi impekeliwat te Espiritu Santo ki Isaias, so minikagi sikandin tepad te menge kemonaan tadon,

Ininang 28:17

Penga te telo se delem, pigtipon i Pablo se menge melangkaw Judiyo. Pegketipon dan, minikagi si Pablo, “Menge kedowa ko, pengkey wedad salà ko diyà te menge doma tadon Judiyo, aw diyà te ketanem te kemonaan tadon, meneng dinakep a dan doton te Jerusalem, aw in-ated a diyà te belad te gobirno te Roma.

Ininang 15:13

Pegkepenga niyan, minikagi si Santiago, “Menge kedowa ko, penenalan kaw kanak.

Mat. 26:14

Nayan, doen tinoledaan i Jesus ngadan din si Judas Iscariote. Dimoton sikandin te menge pengolo te simbahan

Juan 17:12

Dalem te pegdoma ko kandan, mig-ipat a kandan amon eked dan soway lekat te kebenalan tepad te kamno pegkeotawun insalig no diyà kanak. Migtonggò a kandan, aw yan se doun te wedad palos nebàtan kandan. Meneng sebad se kebàtan, sìyan sakop te medaet, amon metoman se kagi tapay no impesolat tepad kandin.

2 Pedro 1:21

so kenà lekat te aneng-aneng te otaw se kagi intoladà te menge telekeliwat din, meneng lekat iyan te Timanem. So pigbeyà-beyaan dan te Espiritu Santo, yan kagi te Timanem se inikagi dan.