Ininang 1:11 - Manobo Sarangani

¹¹ Minikagi se anghil, “Sikiyo tege Galiliya, ikà niyo eglengag. Neengat den si Jesus doton te langit, meneng todà sikandin lomikò dini te tanà onawa te pegkeengat din kinità niyo seini.”

Ininang 1:11 ပူးပေါင်းရင်းမြစ်များ

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.

1 Tesalonika 4:16

Aw lomikò se Pengolo tadon, domineg kidon te tawal din, aw kagi te melangkaw anghil, aw daging te bodyong te Timanem. Pengolo tadon se tomenà lekat te langit, aw onà din entayen se menge otaw nematay.

Mar. 13:26

Penga niyan, kitaen te kedita te otaw se pegdateng ko, so lomikò a Timanem Migpekeotaw tekingan te labon. Komità dan te ontò a metolos aw melangkaw a.

Juan 14:3

Aw mepenga se pegpetagad ko te ogpaan niyo, lomikò a dini aw ipetaking ko sikiyo amon meg-ogpà kaw doma ko.

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

Mat. 24:30

Penga niyan, ipekità ko se pengilala doton te langit te agpet a den lomikò Timanem Migpekeotaw. Megkelag se kedita te otaw te keneyonan tandà te lamit dan, so komità dan te pegdateng ko aw lomikò a Timanem Migpekeotaw tekingan te labon lekat te langit. Komità dan te metolos a aw ontò a melangkaw.

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

1 Tesalonika 1:10

Egpeliman kaw den ekon te peglikò te Batà din lekat te langit. Yan si Jesu Cristo inantay te Timanem lekat te nematay. Si Jesu Cristo heman se megpelowà kenitadon lekat te pelumun te Timanem te modi aldaw.

Luc. 21:27

Penga niyan, kitaen te kedita te otaw se pegdateng ko, so lomikò a Timanem Migpekeotaw tekingan te labon. Komità dan te metolos a aw ontò a melangkaw.

Ininang 13:31

Nenamay sikandin migpekità diyà te menge otaw timaking kandin kedengan lekat te Galiliya pesalo doton te Jerusalem. Eg-indan den dan diyà kenitadon menge Judiyo te benal kinità dan.

Luc. 24:5

Timikelong se menge bayi, so ontò dan nelemitan. Minikagi se menge anghil, “Ikà niyo egpengemahà te otaw neantay lekat te nematay dini te lebenganan.

Ininang 3:12

Pegkità i Pedro te otaw netipon, minikagi, “Menge kedomaan ko Judiyo, ikà niyo egkepela kenyan. Ikà niyo egtengteng kenami. Kenà kenami tolos se nekegolì te otaw kapig. Kenà heman lekat te ketòlid day.

Ininang 2:7

Ontò nepela se otaw netipon. Minikagi dan, “Pengkey tege Galiliya se kedita dan,

Mar. 14:70

Meneng todà migbolon si Pedro. Penga niyan, te wedà kenamay, doen menge doma otaw kidoen minikagi diyà ki Pedro, “Benal sikona se sebad egdoma te otaw sida dinakep, so tege probinsya ka te Galiliya.”

Mat. 16:28

Eneng-enengi niyo se kagi ko kenyo seini. Doen otaw dini kenyo eked kematay singed aw onà dan komità te pegtebò te peglowan ko Timanem Migpekeotaw.”

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Ininang 1:9

Penga niyan te telobo dan pa timengteng ki Jesus, neengat sikandin doton te langit. Neselibengan sikandin te labon.

Ininang 3:21

meneng songkani eg-ogpà pa sikandin doton te langit lamig te todaen te Timanem se kedita, so yan se impakang te Timanem kenitadon Judiyo aw impekeliwat din iyan pineokit te telekeliwat te kagi din.

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.