Genesis 9:6 - Manobo Sarangani

⁶ Ininang se otaw iling te Timanem, aw yan se doun te keilangan imetayan se otaw memonò te doma.

Genesis 9:6 ပူးပေါင်းရင်းမြစ်များ

Genesis 4:14

Eked a no den pepewai, aw ipekesayo a no den lekat kamno. Keilangan gayed a meglegeb dini lanto te tanà. Aw ketelaan a te doma otaw, imetayan a din.”

Genesis 42:22

Minikagi si Ruben, “Minikagi a diyà kenyo te eked niyo sikandin peelegi, meneng wedà a niyo penenelani. Yan se doun te nelimahan kidon seini tandà te pegkematay din.”

Genesis 5:1

Seini se ngadan te menge bowad-bowad i Adam. Peg-inang te Timanem te otaw, ininang din dan iling kandin.

Mat. 26:52

Meneng minikagi si Jesus, “Olii se podok diyà te lomà. Aw meglegamit se otaw te podok, imetayan heman sikandin pineokit te podok.

Roma 13:4

so ininang dan te Timanem pengolo amon mèpiya se keogpà niyo. Meneng aw eg-inang kaw te medaet, keilangan melemitan kaw, so ontò dan megpelumun kenyo. Ininang dan te Timanem pengolo amon megpelumun dan te menge otaw eg-inang te medaet.

1 Korinto 11:7

Se meama, eked kepakay aw tedongan se olo din aw megtawal-tawal, so yan se pengilala te ininang te Timanem se meama melangkaw diyà te kedita dini te keneyonan. Meneng se bayi, yan se keilangan megtedong te olo din aw megtawal-tawal, so yan se pengilala te egtolò se bayi te meama.

Santiago 3:9

Pineokit te dilà tadon, mekeduyun kidon te Timanem Amay. Meneng pineokit heman te dilà tadon, meketindaet kidon te doma otaw, pengkey ininang te Timanem iling kandin.

Impekità 13:10

Se kedita te otaw pinemallì amon dekepen, yan se metoman medakep. Se kedita heman te otaw mengibing te sondang aw mengimatay, yan se metoman imetayan te sondang. Yan se doun te keilangan tomayod te kelimahan se kedita tadon sakop te Timanem, aw keilangan somalig kidon heman diyà kandin.