Genesis 9:3 - Manobo Sarangani

³ Mepakay den kànen niyo se kedita te ayam-ayam aw menenanap. Tapay ko impekaen kenyo se menge tinemunun, meneng mepakay den heman se pegpengaen niyo te menenanap aw ayam-ayam.

Genesis 9:3 ပူးပေါင်းရင်းမြစ်များ

Genesis 9:2

Lekat seini, melemitan kenyo se kedita te menenanap, manok, aw ikan. Inangen ko sikiyo olo te kedita niyan.

Roma 14:14

Tandà te pegsebad ko ki Jesus, ontò a den netaga-taga te wedad palos kànen ininang te Timanem eked kepakay kànen. Meneng aw meg-aneng-aneng se otaw te doen kànen ininang te Timanem eked kepakay kànen, eked kepakay aw kànen din iyan.

Roma 14:17

Diyà kenitadon migpesakop diyà te peglowan te Timanem, mepakay pengkey eden se kànen aw inemen tadon. Meneng keilangan metòlid se inangen tadon, aw melinaw se pedowan tadon diyà te doma otaw, aw yan begayan kidon te Espiritu Santo te keluba te pedowan tadon.

Roma 14:20

Ikà niyo egbaet te eg-inangen te Timanem pineokit te pegpengaen niyo. Mepakay aw kànen tadon se kedita te kinemoloan te kànen, meneng eked kepakay aw kebàtan tadon se pegsalig te doma otaw diyà ki Cristo pineokit te pegpengaen tadon.

Roma 14:3

Aw egpengaen kaw te pengelapen, ikà niyo eglindò te otaw kenà egpengaen kenyan. Aw kenà kaw egpengaen te pengelapen, ikà niyo egsila te otaw egpengaen kenyan, so tomalag sakop te Timanem se kedita niyo.

1 Korinto 10:23

Pengkey mepakay aw inangen ko se kedita mepakay diyà te Timanem, meneng eked a, so wedad ontong te kedita niyan. Pengkey doen mepakay tadon inangen, meneng eked tadon iyan inangi, so eked tadon ketebangi se menge doma otaw egpemenal.

1 Korinto 10:31

Nayan, pengkey eden se inangen tadon, pengkey komaen kidon, aw pengkey minem kidon, keilangan iduyun tadon se Timanem pineokit te kedita te inangen tadon.

Kolasas 2:16

So impelowà kaw den te Timanem, ikà niyo egpenenalan te menge otaw egpunù peden kenyo te doen eked niyo kepakay kànen aw doen eked niyo kepakay inemen, aw egpunù heman te keilangan tomolò kaw te menge ketanem dan tepad te menge pista kelikit te omay, aw kelikit te bolan, aw kelikit te aldaw te peg-etod.