Genesis 9:23 - Manobo Sarangani

²³ Penga niyan, nengabat si Sem aw si Japet te penenaktun itaklub kandin. Inewidan dan se taklub diyà te getan dan, aw minipanaw dan te getan te peg-awop dan diyà te tambì din, aw tinekluban dan sikandin. Wedà dan lingì amon eked dan kitai se lawa te amay dan migpetabeg-tabeg.

Genesis 9:23 ပူးပေါင်းရင်းမြစ်များ

Genesis 9:22

Timengteng si Ham amay i Canaan te pegpetabeg-tabeg te amay din, aw penga niyan limowà sikandin aw mig-indan te menge kedowa din.

Genesis 9:24

Pegkelibwan i Noe te pegkelasing din, aw pegketaga-taga din tepad te ininang i Ham diyà kandin,

Roma 13:7

Yan bayad kaw te kedita te kemolò te mihoras ipebayad te gobirno. Tolò kaw te menge opisyal te gobirno, aw pemasa kaw heman kandan.

Galasya 6:1

Menge kedowa ko te pegpemenal, aw doen kitaen niyo sebad otaw egpemenal meg-inang te medaet, mèpiya aw sikiyo menge otaw ontò egbeyà-beyaan te Espiritu Santo se megtabang kandin, amon ibingen niyo sikandin lomikò diyà te pegpenimanem, meneng keilangan mèpiya se pedowan niyo kandin. Ontò kaw pekeahà amon eked kaw heman keboyo i Satanas.

1 Timoteo 5:1

Ikà egkeopal te menge temoay meg-inang te salà, meneng keilangan mèpiya se pegsagda no kandan iling te peg-ikagi no diyà te amay nikaw. Peg-aneng-aneng ka te menge kaling meama iling te kedowa nikaw.

1 Timoteo 5:17

Aw mèpiya se pegpengibing te menge egpengibing te simbahan, aw ontò dan measeb egtoladà aw egsoblod te kagi te Timanem, mèpiya aw tendanan dan te dobli.

1 Timoteo 5:19

Aw mikagi se otaw te doen salà ininang te egpengibing te simbahan, ikà niyo tagmon egpemenal kenyan singed aw doen dowa otaw aw kenà telo mikagi te benal iyan.

1 Pedro 2:17

Keilangan megsagman kaw te kedita te otaw. Keilangan dakel se pedowan niyo te kedita te doma sakop te Timanem. Keilangan melemitan kaw meg-inang te eked keibegi te Timanem. Keilangan megsagman kidon te otaw ginulal selotan tadon.

1 Pedro 4:8

Ontò keilangan te gayed kaw megpedekelay te pedowan, so aw dakel se pedowan niyo te doma otaw, mebatog niyo pegwedaden se ontò medita salà dan diyà kenyo.