Genesis 8:21 - Manobo Sarangani

²¹ Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.

Genesis 8:21 ပူးပေါင်းရင်းမြစ်များ

2 Korinto 2:15

Meluba se Timanem aw megtoladà a tepad ki Cristo diyà te menge otaw nemenal aw diyà heman te menge otaw ipelumun.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Genesis 6:5

Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

Filipos 4:18

Wedad den kepulukan ko so nekekinawà a den te kwarta impeibing niyo kanak, igsà doen pa samà. Wedad den kepulukan ko so binegayan a den i Epafrodito te impeibing niyo kanak. Iling iyan te metinadeg ipegbegay diyà te Timanem, so kinità din iyan aw neluba sikandin kenyan.

Roma 3:23

Nekesalà se kedita te otaw. Wedad palos otaw mekeapet te ketòlid te Timanem.

Mat. 15:19

Pedowan se kelekatan te medaet ibeg te otaw egbonò, aw eglakad, aw egpenakaw, aw egkebolalaw, aw egbaet-baet.

Genesis 3:17

Minikagi se Timanem diyà te meama, “Nenenalan ka diyà te esawa nikaw, aw kimaen ka te pongo te kayo impunù ko kamno. Tandà te salà no sìyan, inangen ko heman medaet se tanà. Keilangan gayed ka megterbaho taman te pegkematay nikaw, amon botong se kànen nikaw.

Juan 3:6

Se tomebaw olò diyà te otaw, otaw heman iyan. Meneng se tomebaw pineokit te Espiritu Santo, yan se otaw ogpaan te Espiritu Santo.

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

Roma 1:21

Pengkey netaga-taga dan te doen Timanem, meneng wedà dan pegsagman kandin. Wedà dan heman pegpesiontong diyà kandin te keido din kandan. So kimulu dan, neinang kolang se aneng-aneng dan. Iling te mengitngit se aneng-aneng dan.

Genesis 6:17

“Linepen ko se tanà te wayeg amon megelà se kedita doen pedowan. Matay se kedita dini lanto te tanà.

Genesis 5:29

Iningedanan din se batà din ki Noe (kelebadan niyan, peg-etod), so minikagi sikandin, “Seini se otaw megpeetod kenitadon lekat te kelimahan te terbaho tadon dini te tanà seini ininang te Timanem medaet.”

Genesis 4:12

Aw todà ka megpawà, eked pongo se tinanem nikaw. Keilangan gayed ka meglegeb dini lanto te tanà.”

Genesis 6:7

aw minikagi sikandin, “Pegbàtan ko se otaw ininang ko dini te tanà, sipat te menge ayam-ayam, menenanap, aw manok, so miglama-lama a tepad te peg-inang ko kandan.”

Genesis 6:13

Minikagi se Timanem diyà ki Noe, “Tod ko, igelaen ko den se kedita te otaw, so nelegeb den se kebelad te tanà te medaet eg-inangen dan. Yan ontò ko dan bàtan sipat te kedita dini lanto te tanà.