Genesis 8:20 - Manobo Sarangani

²⁰ Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Genesis 8:20 ပူးပေါင်းရင်းမြစ်များ

Genesis 13:18

Penga niyan, minalin si Abram, aw mig-ogpà sikandin kidoen medapag te menge olayan i Mamre doton te Hebron, aw mig-inang sikandin te sonoganan te ayam-ayam kidoen amon megsimba sikandin te Timanem.

Genesis 13:4

Yan heman se tapay din ininangan te sonoganan te ayam-ayam. Todà sikandin migsimba te Timanem kidoen.

Genesis 22:2

Minikagi se Timanem, “Petekingi se batà no temisa si Isaac ontò no egkedekelan te pedowan, aw doton kaw te tanà te Moria. Tikedeg kaw te bontod tedoan ko kamno kidoen, aw imetayi sikandin aw sonogi se lawa din, so ibegay no sikandin diyà kanak.”

Genesis 22:9

Pegdateng dan doton te bontod sinogoan te Timanem ki Abraham, mig-inang si Abraham te sonogan din te ayam-ayam ibegay diyà te Timanem, aw insawol din se kayo itabon kidoen te lanto niyan. Penga niyan, ginapos din se batà din aw insawol din heman sikandin diyà te lanto te kayo itabon.

Genesis 26:25

Mig-inang si Isaac te sonoganan te ayam-ayam ibegay diyà te Timanem, aw migsimba sikandin te Timanem kidoen. Mig-ogpà si Isaac kidoen, aw nemangbang se menge sineligan din te sokian.

Genesis 33:20

Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).

Genesis 35:1

Nayan, minikagi se Timanem diyà ki Jacob, “Doton ka den te Betel, aw peg-ogpà ka den kidoen. Peg-inang ka te sonoganan te ayam-ayam kidoen amon megsimba ka kanak, so siak se Timanem migpekità diyà kamno kedengan te pegkadas no lekat te kedowa no si Esau.”

Genesis 35:7

Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.

Genesis 4:4

Meneng si Abel se nemallì te penganay nati te menge karniro din, aw iniyaw din iyan, aw inibing din se melambò onod niyan amon ibegay din iyan diyà te Timanem. Neluba se Timanem ki Abel aw sìyan imbegay din.

Genesis 7:2

Pengibing ka te sebad meama aw sebad bayi lekat te tegsebad-sebad kemolò te ayam-ayam aw menenanap eked kepakay sonogen aw ibegay diyà kanak, meneng pengibing ka te pito meama aw pito bayi lekat te tegsebad-sebad kemolò te ayam-ayam aw manok mepakay sonogen aw ibegay diyà kanak. Peg-inang ka kenyan amon todà megbowad-bowad se kedita te kemolò dini lanto te tanà.

Genesis 8:19

Limowà heman se menge ayam-ayam, menenanap, aw manok te tegsebad-sebad kemolò niyan.

Roma 12:1

Nayan, menge kedowa ko, ontò mèpiya se keido te Timanem kenitadon, aw yan se doun te megpunù a den kenyo te keilangan betel niyo ibegay se pegkeotawun niyo diyà te Timanem dalem te doen pa pedowan niyo. Aw ibegay niyo se pegkeotawun niyo diyà kandin, kinewaen din iyan, aw ipetaga-taga niyo te melobos se pedowan niyo te pegsimba niyo kandin.

Menge Hebreo 13:10

Nematay si Jesus amon beyadan din se salà te kedita tadon nemenal kandin. Meneng se kedita te otaw egtaking te punù ingkeliwat i Moises tepad te pegpengimatay te ayam-ayam doton te simbahan te Judiyo, eked dan pekeakop diyà te kedita tadon impelowà i Jesus lekat te salà.

1 Pedro 2:5

Binegayan kaw din te kaling pedowan wedad temanan. Aw beyà-beyaan kaw din, meinang kaw iling te menge bato gemiten te peg-inang te balay egsimbahan te Timanem. Inangen kaw din heman iling te menge pengolo te simbahan te Judiyo, so pineokit te tabang i Jesu Cristo, doen den mepakay tadon ibegay diyà te Timanem. Aw megsimba kidon kandin aw domuyun kidon heman kandin, yan se kelubahan din.

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.