Genesis 7:7 - Manobo Sarangani

⁷ Minawop sikandin diyà te arka sipat te esawa din, menge batà din, aw menge esawa dan, amon eked dan kegelà aw melinep se tanà te wayeg.

Genesis 7:7 ပူးပေါင်းရင်းမြစ်များ

Genesis 6:18

Meneng doen ipakang ko den kamno. Awop ka diyà te arka sipat te esawa nikaw, menge batà nikaw, aw menge esawa dan.

Genesis 7:1

Nayan, minikagi se Timanem diyà ki Noe, “Awop ka diyà te arka sipat te kedita diyà te pamilya nikaw, so diyà te kedita te otaw dini lanto te tanà, olò sikona se kinità ko eg-inang te metòlid.

Mat. 24:38

Te wedà pa kelinep se tanà te wayeg, gayed dan egpengaen, aw eg-inem dan, aw egpepengognanay dan, lamig te aldaw te pegsakay i Noe aw pamilya din diyà te arka.

Luc. 17:27

Gayed dan egpengaen, aw eg-inem dan, aw egpepengognanay dan, lamig te aldaw te pegsakay i Noe aw pamilya din diyà te arka. Meneng negelà se menge doma otaw so nesàban dan te pegkelinep te tanà te wayeg, aw nelemes se kedita dan.

Menge Hebreo 11:7

Simalig heman si Noe diyà te Timanem gebii. Peg-ikagi te Timanem diyà kandin te doen domateng mekegelà te otaw, nemenal sikandin te Timanem pengkey wedad palos kinità din iling kenyan. Penga niyan, mig-inang sikandin te dakel sampan egtewalen arka, aw yan se sinekayan din aw sipat pamilya din. Pegkelinep te tanà te wayeg, wedà dan kelemes. Pineokit te pegsalig i Noe diyà te Timanem, impetaga-taga din te metòlid se pegpelumun te Timanem te otaw wedà pemenal kandin, aw neakop heman sikandin diyà te kedita te otaw eneng-enengen te Timanem te metòlid dan tandà te pegsalig dan diyà kandin.

Menge Hebreo 6:18

Yan dowa se ininang din. Migpakang sikandin, aw impesipat din se kandin ngadan diyà te pakang din. Pineokit te didowa sìyan, netegahan tadon te eked palos ketodà se pakang din, aw eked palos heman sikandin pegkebolalaw. Yan se doun te megkagsen se pedowan te kedita tadon migpesakop diyà kandin, aw melobos se pegpeliman tadon te impakang din.

1 Pedro 3:20

Yan se pedowan te menge otaw gebii wedà tolò te Timanem dalem te peg-inang i Noe te arka. Medalem se pedowan te Timanem diyà kandan, aw nenamay sikandin migtagad lamig nepenga se peg-inang i Noe te arka. Meneng pilabok se otaw wedà kelemes te wayeg nekelinep te tanà, so walo olò se otaw simakay te arka limepaw diyà te lanto te wayeg.

2 Pedro 2:5

Gebii te aldaw i Noe te peg-inang te kedita te otaw te salà, wedà din dan heman keidowi, so lininep din se tanà te wayeg aw nelemes se kedita dan wedà taking kandin. Olò din pinolò si Noe migtoladà te keilangan meg-inang dan te metòlid, aw sipat te doma pito sakop te pamilya din.