Genesis 7:21 - Manobo Sarangani

²¹ Yan nelemes se kedita diyà te lanto te tanà, pengkey manok, ayam-ayam, menenanap, aw otaw.

Genesis 7:21 ပူးပေါင်းရင်းမြစ်များ

Genesis 6:13

Minikagi se Timanem diyà ki Noe, “Tod ko, igelaen ko den se kedita te otaw, so nelegeb den se kebelad te tanà te medaet eg-inangen dan. Yan ontò ko dan bàtan sipat te kedita dini lanto te tanà.

Genesis 7:4

Na, pito seini, ipetedak ko se odan, aw eked iyan kedit singed aw kepatan se aldaw aw kepatan se delem amon bàtan ko se kedita ininang ko doen pedowan dini lanto te tanà.”

Genesis 6:17

“Linepen ko se tanà te wayeg amon megelà se kedita doen pedowan. Matay se kedita dini lanto te tanà.

Roma 8:20

Gebii, migkedaet se kedita ininang te Timanem dini lanto te tanà aw wedad den ontong so impelumun, kenà lekat te ibeg niyan meneng lekat te ibeg te Timanem. Meneng doen pa aldaw pelimanan tadon

2 Pedro 2:5

Gebii te aldaw i Noe te peg-inang te kedita te otaw te salà, wedà din dan heman keidowi, so lininep din se tanà te wayeg aw nelemes se kedita dan wedà taking kandin. Olò din pinolò si Noe migtoladà te keilangan meg-inang dan te metòlid, aw sipat te doma pito sakop te pamilya din.

Roma 8:22

Te eked pa iyan ketoman, netegahan tadon te ontò egkelimahan se kedita te ininang te Timanem dini lanto te tanà lamig seini, iling te bayi agpet tebawan.

Luc. 17:27

Gayed dan egpengaen, aw eg-inem dan, aw egpepengognanay dan, lamig te aldaw te pegsakay i Noe aw pamilya din diyà te arka. Meneng negelà se menge doma otaw so nesàban dan te pegkelinep te tanà te wayeg, aw nelemes se kedita dan.

Mat. 24:39

Meneng wedà ketaga-taga se menge doma otaw te agpet dan megelà lamig nesàban dan te pegkelinep te tanà te wayeg, aw nelemes se kedita dan. Iling heman kenyan se peglikò ko Timanem Migpekeotaw, so medita heman se otaw eked peketagad te pegdateng ko.

Genesis 1:25

Ininang te Timanem se kedita niyan, aw kinità din te mèpiya iyan.