Genesis 7:13 - Manobo Sarangani

¹³ Te wedà pa kelinep se tanà, tapay minawop si Noe diyà te arka sipat te esawa din, menge batà din si Sem, si Ham, aw si Japet, aw menge esawa dan.

Genesis 7:13 ပူးပေါင်းရင်းမြစ်များ

Genesis 10:21

Si Sem kakay i Japet, yan se kemonaan te kedita te otaw nesakop te pongan iningedanan Hebreo.

Genesis 10:6

Se menge batà meama i Ham, yan si Cus, si Ehipto, si Put, aw si Canaan.

Genesis 5:32

Penga te lima gatos se omay i Noe, timebaw se telo batà din meama, si Sem, si Ham, aw si Japet.

Genesis 6:10

Telo se batà din meama, si Sem, si Ham, aw si Japet.

Genesis 6:18

Meneng doen ipakang ko den kamno. Awop ka diyà te arka sipat te esawa nikaw, menge batà nikaw, aw menge esawa dan.

Genesis 7:1

Nayan, minikagi se Timanem diyà ki Noe, “Awop ka diyà te arka sipat te kedita diyà te pamilya nikaw, so diyà te kedita te otaw dini lanto te tanà, olò sikona se kinità ko eg-inang te metòlid.

Genesis 7:14

Minawop heman se kedita te kemolò te menge ayam-ayam aw menenanap, dakel aw deitek, aw kedita te kemolò te manok.

Genesis 8:14

Peg-apet te pitsa kelowan teg pito te ikedowa te bolan, ontò migkepangkag se tanà.

Menge Hebreo 11:7

Simalig heman si Noe diyà te Timanem gebii. Peg-ikagi te Timanem diyà kandin te doen domateng mekegelà te otaw, nemenal sikandin te Timanem pengkey wedad palos kinità din iling kenyan. Penga niyan, mig-inang sikandin te dakel sampan egtewalen arka, aw yan se sinekayan din aw sipat pamilya din. Pegkelinep te tanà te wayeg, wedà dan kelemes. Pineokit te pegsalig i Noe diyà te Timanem, impetaga-taga din te metòlid se pegpelumun te Timanem te otaw wedà pemenal kandin, aw neakop heman sikandin diyà te kedita te otaw eneng-enengen te Timanem te metòlid dan tandà te pegsalig dan diyà kandin.

1 Pedro 3:20

Yan se pedowan te menge otaw gebii wedà tolò te Timanem dalem te peg-inang i Noe te arka. Medalem se pedowan te Timanem diyà kandan, aw nenamay sikandin migtagad lamig nepenga se peg-inang i Noe te arka. Meneng pilabok se otaw wedà kelemes te wayeg nekelinep te tanà, so walo olò se otaw simakay te arka limepaw diyà te lanto te wayeg.

2 Pedro 2:5

Gebii te aldaw i Noe te peg-inang te kedita te otaw te salà, wedà din dan heman keidowi, so lininep din se tanà te wayeg aw nelemes se kedita dan wedà taking kandin. Olò din pinolò si Noe migtoladà te keilangan meg-inang dan te metòlid, aw sipat te doma pito sakop te pamilya din.