Genesis 7:11 - Manobo Sarangani

¹¹ Peg-apet te enem gatos se omay i Noe, te pitsa sempolò teg pito te ikedowa te bolan te omay sìyan, neowang se kedita te selep doton didalem te dagat, aw neowang heman se kedita te linekatan te odan doton te langit.

Genesis 7:11 ပူးပေါင်းရင်းမြစ်များ

Genesis 8:2

Sinengseng din se menge selep doton didalem te dagat aw menge linekatan te odan doton te langit. Kimedit se odan.

Genesis 1:7

Yan ininang te Timanem se elet diyà te wayeg diatas te tanà aw wayeg kidoen te tanà. Neinang iyan.

Mat. 24:38

Te wedà pa kelinep se tanà te wayeg, gayed dan egpengaen, aw eg-inem dan, aw egpepengognanay dan, lamig te aldaw te pegsakay i Noe aw pamilya din diyà te arka.

Genesis 6:17

“Linepen ko se tanà te wayeg amon megelà se kedita doen pedowan. Matay se kedita dini lanto te tanà.

1 Tesalonika 5:3

Aw mikagi se menge otaw te wedad samok aw wedad kelemitanan, yan pegketà detengan dan te mekebebaet, iling te pegtebò te mesakit domateng te bayi agpet tebawan. Eked dan pekelowà lekat kenyan.

2 Pedro 3:6

Wayeg heman se inlinep din te tanà gebii, aw nelemes se kedita te otaw.

Genesis 7:6

Enem gatos se omay i Noe te pegkelinep te tanà te wayeg.

Genesis 8:14

Peg-apet te pitsa kelowan teg pito te ikedowa te bolan, ontò migkepangkag se tanà.