Genesis 6:17 - Manobo Sarangani

¹⁷ “Linepen ko se tanà te wayeg amon megelà se kedita doen pedowan. Matay se kedita dini lanto te tanà.

Genesis 6:17 ပူးပေါင်းရင်းမြစ်များ

2 Pedro 2:5

Gebii te aldaw i Noe te peg-inang te kedita te otaw te salà, wedà din dan heman keidowi, so lininep din se tanà te wayeg aw nelemes se kedita dan wedà taking kandin. Olò din pinolò si Noe migtoladà te keilangan meg-inang dan te metòlid, aw sipat te doma pito sakop te pamilya din.

Genesis 7:4

Na, pito seini, ipetedak ko se odan, aw eked iyan kedit singed aw kepatan se aldaw aw kepatan se delem amon bàtan ko se kedita ininang ko doen pedowan dini lanto te tanà.”

1 Pedro 3:20

Yan se pedowan te menge otaw gebii wedà tolò te Timanem dalem te peg-inang i Noe te arka. Medalem se pedowan te Timanem diyà kandan, aw nenamay sikandin migtagad lamig nepenga se peg-inang i Noe te arka. Meneng pilabok se otaw wedà kelemes te wayeg nekelinep te tanà, so walo olò se otaw simakay te arka limepaw diyà te lanto te wayeg.

Menge Hebreo 11:7

Simalig heman si Noe diyà te Timanem gebii. Peg-ikagi te Timanem diyà kandin te doen domateng mekegelà te otaw, nemenal sikandin te Timanem pengkey wedad palos kinità din iling kenyan. Penga niyan, mig-inang sikandin te dakel sampan egtewalen arka, aw yan se sinekayan din aw sipat pamilya din. Pegkelinep te tanà te wayeg, wedà dan kelemes. Pineokit te pegsalig i Noe diyà te Timanem, impetaga-taga din te metòlid se pegpelumun te Timanem te otaw wedà pemenal kandin, aw neakop heman sikandin diyà te kedita te otaw eneng-enengen te Timanem te metòlid dan tandà te pegsalig dan diyà kandin.

Roma 6:23

Detengan te kemetayun wedad temanan se otaw eg-inang te salà. Meneng se ibowang te Timanem, yan se kaling pedowan wedad temanan pineokit te pegpemenal tadon te Pengolo tadon si Jesu Cristo.

Roma 5:21

Pengkey egkematay se kedita te otaw neallang te salà, meneng egtebangan te Timanem se kedita te otaw megpesakop diyà kandin, so eneng-enengen din te metòlid dan. Begayan din dan heman te kaling pedowan wedad temanan pineokit te ininang te Pengolo tadon si Jesu Cristo.

Luc. 17:27

Gayed dan egpengaen, aw eg-inem dan, aw egpepengognanay dan, lamig te aldaw te pegsakay i Noe aw pamilya din diyà te arka. Meneng negelà se menge doma otaw so nesàban dan te pegkelinep te tanà te wayeg, aw nelemes se kedita dan.

Genesis 6:13

Minikagi se Timanem diyà ki Noe, “Tod ko, igelaen ko den se kedita te otaw, so nelegeb den se kebelad te tanà te medaet eg-inangen dan. Yan ontò ko dan bàtan sipat te kedita dini lanto te tanà.

Genesis 6:7

aw minikagi sikandin, “Pegbàtan ko se otaw ininang ko dini te tanà, sipat te menge ayam-ayam, menenanap, aw manok, so miglama-lama a tepad te peg-inang ko kandan.”

Mat. 24:39

Meneng wedà ketaga-taga se menge doma otaw te agpet dan megelà lamig nesàban dan te pegkelinep te tanà te wayeg, aw nelemes se kedita dan. Iling heman kenyan se peglikò ko Timanem Migpekeotaw, so medita heman se otaw eked peketagad te pegdateng ko.

Genesis 9:9

“Doen ipakang ko diyà kenyo aw menge bowad-bowad niyo,

Genesis 7:17

Gayed minodan te kepatan se aldaw aw kepatan se delem. Gayed migkedalem se wayeg lamig limepaw se arka.

Genesis 7:15

Doen meama aw bayi diyà te tegsebad-sebad kemolò doen pedowan dimoton ki Noe, aw minawop dan diyà te arka, iling te impunù te Timanem diyà ki Noe. Penga niyan, tinakep te Timanem se lelebangan te arka.

Genesis 2:7

Penga niyan, inabat te Timanem se tanà, aw yan se ginamit din te pegtiyon din te otaw. Penga niyan, inedop din se idong te otaw, aw yan binegayan din se otaw te pedowan.

Genesis 6:16

Peg-atep ka kenyan, aw peg-inang ka te elet diyà te ampa aw atep taman te tengà mitro se kelangkaw niyan. Peg-inang ka te telo kunsad niyan aw sebad se lelebangan kidoen te ampa.