Genesis 50:24 - Manobo Sarangani

²⁴ Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”

Genesis 50:24 ပူးပေါင်းရင်းမြစ်များ

Genesis 35:12

Se kebelad te tanà imbegay ko diyà ki Abraham aw si Isaac, yan se ibegay ko heman diyà kamno, aw ibegay ko heman iyan diyà te menge bowad-bowad nikaw te modi aldaw.”

Genesis 26:3

Peg-ogpà ka dini, aw yan megtabang a kamno, aw mèpiya se ibegay ko diyà kamno. Ibegay ko se kedakel te tanà seini diyà kamno aw diyà te menge bowad-bowad nikaw, so tomanen ko se impakang ko diyà te amay no si Abraham.

Genesis 28:13

Kinità din heman se Timanem timindeg kidoen, aw minikagi sikandin diyà ki Jacob, “Siak se Timanem gayed egseligan te apò no si Abraham, aw amay no si Isaac. Se tanà seini inibatan nikaw, yan se ibegay ko diyà kamno aw diyà te menge bowad-bowad nikaw.

Genesis 48:21

Penga niyan, minikagi si Jacob diyà ki Jose, “Nayan, agpet den se aldaw te pegkematay ko, meneng ipaten ka pa te Timanem, aw ipeolì din se menge bowad-bowad ta te modi aldaw doton te tanà inogpaan te menge kemonaan ta gebii.

Genesis 46:4

Domoma a kenyo te pegdoton niyo te Ehipto, aw ibingen ko heman se menge bowad-bowad nikaw molì dini te Canaan. Aw matay ka, si Jose se meglebeng kamno.”

Genesis 15:18

Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.

Genesis 15:7

Minikagi heman se Timanem, “Siaken se Timanem nengibing kamno lekat te Ur te Caldea. Tod ko ibegay ko diyà kamno se tanà seini, amon tig-epoen no iyan.”

Genesis 13:17

Nayan, peglegeb ka den doton te kebelad te tanà, so yan se ibegay ko diyà kamno.”

Genesis 13:15

Se kebelad te tanà kitaen nikaw, yan se ibegay ko diyà kamno aw menge bowad-bowad nikaw te wedad temanan.

Genesis 12:7

Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Menge Hebreo 11:22

Simalig heman si Jose diyà te Timanem, so te agpet den sikandin matay, minikagi sikandin te domateng se aldaw te mesayo se kedita te menge bowad-bowad i Israel lekat te Ehipto. Yan se doun te nemoyò heman sikandin te keilangan ibingen dan se menge tòlan te lawa din te pegkesayo dan lekat te Ehipto amon ilebeng se tòlan din doton te tanà impakang te Timanem kandan.

Menge Hebreo 9:27

Keilangan mekesebad se pegkematay te kedita te otaw, aw penga niyan okomen kidon te Timanem.

Roma 5:12

Gebii, mig-inang se tagnà otaw si Adam te salà, aw yan se keteboan te salà dini te keneyonan. Lekat te salà, doen heman kemetayun. Yan se doun te egkematay se kedita te otaw, so mig-inang se kedita tadon te salà.

Genesis 50:5

‘Te wedà pa kematay se amay ko, migpakang a kandin te ilebeng ko se lawa din kidoen te lebenganan tapay din impetagad doton te Canaan. Yan aw mepakay diyà kamno, domoton a amon ilebeng ko, aw penga niyan molì a dini.’”

Genesis 21:1

Nayan, tinoman te Timanem se impakang din, aw mèpiya se imbegay din diyà ki Sara.

Genesis 17:8

Se kedakel te tanà te Canaan làno nikaw inogpaan, yan se ibegay ko diyà kamno aw diyà te menge bowad-bowad nikaw amon tig-epoen niyo iyan te wedad temanan. Siak se Timanem meg-ipat kandan.”

Genesis 3:19

Keilangan gayed ka megterbaho lamig peg-etingan ka amon doen tomilles kidoen te tanà lamig molì ka doton te tanà, so yan se linekatan nikaw. Ininang ka lekat te tanà, aw todà ka heman meinang tanà.”

Genesis 15:8

Meneng mig-insà si Abram, “E Timanem eglowan diyà te kedita, eden lay se pengilala ipekità no diyà kanak amon ketegahan ko te metoman a meketig-apò kani?”

Genesis 47:29

Pegdateng te aldaw te agpet den sikandin matay, tinawal i Jacob se batà din si Jose, aw minikagi sikandin, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini. Pegpakang ka kanak te eked no lebengi se lawa ko dini te Ehipto.