Genesis 50:21 - Manobo Sarangani

²¹ Ikà niyo palos egkelemitan, so siak se meg-ipat kenyo aw menge pamilya niyo.” Ontò mèpiya se kagi din kandan amon mesinalay se pedowan dan.

Genesis 50:21 ပူးပေါင်းရင်းမြစ်များ

Genesis 47:12

Doen heman kànen imbegay i Jose diyà te amay din, aw menge kedowa din, aw menge doma otaw diyà te pamilya te amay din sipat te menge mengisù dan.

1 Pedro 3:9

Aw doen otaw meg-inang te medaet diyà kenyo, ikà niyo eg-inang te medaet diyà kandan. Aw doen otaw megtompuyus kenyo, ikà niyo egtompuyus kandan. Meneng pemoyò kaw diyà te Timanem te keidowan din dan, so pegtawal din kenyo, migpakang sikandin te keidowan kaw din.

1 Tesalonika 5:15

Ikà niyo eg-inang te medaet diyà te menge otaw eg-inang te medaet diyà kenyo, meneng keilangan gayed kaw meg-inang te mèpiya diyà te menge doma otaw egpemenal aw diyà heman te kedita te otaw.

Mat. 6:14

“Aw pegwedaden niyo se salà ininang te doma otaw diyà kenyo, pegwedaden heman te Amay niyo Timanem se salà ininang niyo diyà kandin.

Mat. 5:44

Meneng mikagi a den diyà kenyo te keilangan kedekelan niyo te pedowan se poon niyo. Keilangan gayed kaw megtawal-tawal diyà te Timanem tepad te otaw egpemilang kenyo.

Genesis 34:3

Neibeg si Sikem ki Dina, aw ontò dakel se pedowan din diyà kandin, aw mèpiya se inikagi din diyà kandin.

Genesis 50:22

Mig-ogpà dan pa doton te Ehipto, si Jose aw kedita te menge bowad-bowad te amay din. Pegkematay i Jose, sebad gatos sempolò se omay din.

Genesis 45:5

Na, ikà niyo egketetana. Ikà niyo egkepuluk tepad te pegbeligyà niyo kanak, so impeonà a te Timanem dini amon eked kaw kematay.