Genesis 50:17 - Manobo Sarangani

¹⁷ migpunù sikandin te ikeliwat day diyà kamno se kagi din seini, ‘Pegwedadi bag se salà te menge kedowa no kedengan te peg-inang dan kamno te medaet.’ Yan, pegwedadi bag se salà ininang day menge sineligan te Timanem egpemenalen te amay tadon.” Pegdineg i Jose te kagi dan sìyan, migkelag sikandin.

Genesis 50:17 ပူးပေါင်းရင်းမြစ်များ

Efeso 4:32

Meneng keilangan meg-inang kaw te mèpiya, aw megpeidoway kaw. Keilangan pegwedaden niyo se salà ininang te doma otaw diyà kenyo, iling te pegwedad te Timanem te salà ininang niyo tandà te pegkematay i Cristo.

Genesis 49:25

Se Timanem egseligan ko, yan se megtabang kenyo. Se Timanem eglowan diyà te kedita, yan se memegay kenyo te mèpiya. Sikandin se memegay kenyo te odan lekat te langit, aw selep egtebol lekat didalem te tanà. Sikandin se memegay kenyo te medita ayam-ayam aw batà.

Genesis 45:8

Kenà niyo se migsawol kanak dini, meneng Timanem se migsawol kanak dini. Ininang a din melangkaw diyà te menge opisyal te selotan. Siak se egsogò te kedita te sineligan te selotan, aw siak heman se eglowan dini te kebelad te Ehipto.

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.

Galasya 6:16

Timanem se egpemegay te kelinaw te pedowan aw keido. Ibeg ko, ibegay din iyan diyà te kedita te otaw egpemenal aw tomaking te kebenalan insolat ko seini, pengkey diyà te menge Judiyo aw menge otaw kenà Judiyo.

Galasya 6:10

Yan seini se mèpiya inangen tadon. Gayed tadon inangen se mèpiya diyà te kedita te otaw, aw labi pa diyà te menge kedowa tadon egpemenal.

Mar. 10:41

Pegdineg te sempolò tinoledaan aw eden se inikagi dan diyà ki Jesus, neopal dan diyà ki Santiago aw si Juan.

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Mat. 18:35

Minikagi si Jesus, “Aw eked kaw ontò pegwedad te salà te doma otaw, iling heman kenyan se inangen te Amay ko diyà kenyo. Eked kaw din keidowi.”

Mat. 10:42

Eneng-enengi niyo se kagi ko kenyo seini. Aw melao se sebad otaw medanà egtaking kanak, aw memegay kaw te wayeg diyà kandin tandà te pegtaking din kanak, begayan kaw te Timanem te ontong.”

Mat. 6:12

Pegwedadi se salà ininang day diyà kamno onawa te pegwedad day te salà ininang te doma otaw diyà kenami.

Genesis 50:20

Pengkey medaet se tod niyo kanak, meneng ininang te Timanem iyan mèpiya, amon medita se otaw eked kematay te bitil, aw yan se doun te neantay kidon pa songkani.

Genesis 31:42

Meneng tinebangan a te Timanem egseligan te apò ko si Abraham aw amay ko si Isaac. Aw wedà a din tebangi, nenamay a nikaw den impekesayo te wedad palos ontong ko. Meneng kinità te Timanem se kelimahan ko aw pagod ko, aw yan tinompelà ka din tidelem.”

Genesis 50:16

Penga niyan, impekeliwat dan se kagi dan diyà ki Jose, “Te wedà pa kematay se amay tadon,

Genesis 50:18

Penga niyan, dimoton se menge kedowa din kandin, aw limongken dan diyà kandin. Minikagi dan, “Dimini kay den amon inangen kay menge allang nikaw.”