Genesis 50:10 - Manobo Sarangani

¹⁰ Pegdateng dan doton te giyekanan kidoen te Atad doton dipag te Jordan, nenamay dan migkoliyà. Minoloy si Jose te amay din kidoen taman te pito se aldaw.

Genesis 50:10 ပူးပေါင်းရင်းမြစ်များ

Genesis 50:11

Pegkità te menge tege Canaan te peg-oloy dan doton te Atad, minikagi dan, “Ontò minoloy se menge tege Ehipto.” Yan se doun te iningedanan se ogpeanan sìyan Abel Misraim (kelebadan niyan, oloyanan te tege Ehipto). Yan se neinang doton dipag te Jordan.

Genesis 50:4

Pegketagkas te pegkelano dan kandin, minikagi si Jose diyà te menge sineligan te selotan, “Aw doen keido niyo kanak, keliwati niyo bag se kagi ko seini diyà te selotan.

Genesis 27:41

Gayed nebensi si Esau ki Jacob so migtawal-tawal se amay dan amon si Jacob se begayan te Timanem te ontò mèpiya. Minikagi si Esau, “Eked den kenamay matay si Amà, aw penga niyan imetayan ko si Jacob.”

Genesis 50:3

Kepatan se aldaw se pegbalsamar dan kandin, so yan se kenamay te pegbalsamar dan te lawa te nematay. Nelenowan sikandin te menge tege Ehipto te kepitowan se aldaw.

Genesis 50:9

Timaking heman ki Jose se menge otaw simakay te kelisa aw kodà. Ontò medita se otaw dimoton.