Genesis 5:24 - Manobo Sarangani

²⁴ Gayed migpedomaay si Enok aw Timanem lamig te aldaw te pegkewedad din, so binaloy sikandin te Timanem.

Genesis 5:24 ပူးပေါင်းရင်းမြစ်များ

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.

Genesis 5:22

Penga niyan, dalem te telo gatos se omay, migpedomaay si Enok aw Timanem. Dalem niyan, doen pa menge doma batà din timebaw.

Luc. 23:43

Minikagi si Jesus, “Eneng-enengi se kagi ko kamno. Kwani seini, megdoma ka kanak doton te langit.”

Genesis 42:36

Minikagi se amay dan diyà kandan, “Pineokit kenyo, eg-ebaten se kedita te batà ko lekat kanak. Wedad den si Jose, wedad den heman si Simeon, aw ibeg niyo ebaten heman si Benjamin lekat kanak. Ontò a egdetengan te kelimahan.”

Genesis 37:30

Dimoton sikandin te menge kedowa din aw minikagi, “Megmeno a? So wedad den kidoen si Jose.”

Mat. 2:18

“Doen dinegen niyo kidoen te lonsod te Rama. Megkelag aw megmatay se menge bowad-bowad i Rakel, so melano dan te mengisù dan. Megkelag dan, aw eked dan kesinelayi, so inimetayan se mengisù dan.”

Judas 1:14

Gebii doen kagi te Timanem ingkeliwat i Enok tepad te menge otaw sìyan. Diyà te kedita te bowad-bowad i Adam, si Enok se apò din te ikepito keliwat. Minikagi sikandin, “Peg-ahà kaw, so domateng se Pengolo tadon tinekingan te minelalan anghil din.

Genesis 5:23

Minapet se omay din te telo gatos keneman teg lima.

Genesis 5:25

Peg-apet te sebad gatos kewelowan teg pito se omay i Matusalem, timebaw se batà din meama si Lamek.

Genesis 6:9

Seini se indan tepad ki Noe. Diyà te kedita te otaw, olò si Noe se eg-inang te metòlid, aw wedad palos isila kandin. Migpedomaay si Noe aw Timanem.

Genesis 24:40

“Timaba sikandin, ‘Doen anghil ipetaking kamno te Timanem gayed ko egtoloen, amon metoman se tod nikaw doton. Yan mekeabat ka te bayi pengognanen te batà ko doton te menge kedomaan ko, sìyan menge bowad-bowad te amay ko.