Genesis 5:22 - Manobo Sarangani

²² Penga niyan, dalem te telo gatos se omay, migpedomaay si Enok aw Timanem. Dalem niyan, doen pa menge doma batà din timebaw.

Genesis 5:22 ပူးပေါင်းရင်းမြစ်များ

Genesis 17:1

Peg-apet te kesyaman teg siyam se omay i Abram, migpekità se Timanem diyà kandin, aw minikagi sikandin, “Siak se Timanem eglowan diyà te kedita. Tolò ka kanak. Keilangan gayed ka meg-inang te metòlid.

Genesis 24:40

“Timaba sikandin, ‘Doen anghil ipetaking kamno te Timanem gayed ko egtoloen, amon metoman se tod nikaw doton. Yan mekeabat ka te bayi pengognanen te batà ko doton te menge kedomaan ko, sìyan menge bowad-bowad te amay ko.

Genesis 48:15

Penga niyan, migtawal-tawal sikandin amon begayan te Timanem si Jose te mèpiya, kagi din, “E Timanem, sikona se egseligan te menge kemonaan ko si Abraham aw si Isaac. Sikona se gayed mig-ipat kanak lamig songkani.

Genesis 5:21

Peg-apet te keneman teg lima se omay i Enok, timebaw se batà din meama si Matusalem.

Genesis 5:23

Minapet se omay din te telo gatos keneman teg lima.

Genesis 5:24

Gayed migpedomaay si Enok aw Timanem lamig te aldaw te pegkewedad din, so binaloy sikandin te Timanem.

Genesis 6:9

Seini se indan tepad ki Noe. Diyà te kedita te otaw, olò si Noe se eg-inang te metòlid, aw wedad palos isila kandin. Migpedomaay si Noe aw Timanem.

Luc. 1:6

Sìyan teleesawa, ontò dan nelubahan te Timanem so metòlid se eg-inangen dan. Wedad palos otaw mekesila kandan so ontò dan egtolò te menge punù te Pengolo.

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

1 Korinto 7:17

Keilangan tomaking se teg sebad-sebad kenitadon te ibeg te Pengolo tadon, aw tomayod kidon heman te keogpà te pegpenenalan tadon te tawal te Timanem. Yan se ipegpunù ko diyà te kedita te otaw egpemenal.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

Efeso 5:15

Peg-ahà kaw tepad te eg-inangen niyo. Ikà niyo eg-iling te otaw wedad inenengen. Meneng peg-iling kaw te otaw doen inenengen.

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Kolasas 4:5

Keilangan mèpiya se eg-inangen niyo diyà te menge doma otaw kenà egpemenal. Peg-indan kaw kandan tepad ki Cristo te pengkey eden eldawi.

1 Tesalonika 2:12

Migtoladà kay kenyo te metòlid. Mig-antag kay te pedowan niyo. Migpunù kay kenyo te keilangan metòlid se eg-inangen niyo mekeluba te Timanem. Sikandin se timawal kenyo amon sekopen kaw din diyà te peglowan din, aw amon mekekinawà kaw te kèpiya din.

1 Tesalonika 4:1

Nayan menge kedowa day, migtoladà kay kenyo te keilangan metòlid se eg-inangen niyo amon meluba se Timanem kenyo. Yan se ininang niyo. Meneng tandà te pegsebad tadon diyà te Pengolo tadon si Jesus, ontò kay den memoyò kenyo te gayed kaw megpekeaseb meg-inang te metòlid.

1 Juan 1:7

Meneng aw egtaking kidon te kelowahan iling te Timanem eg-ogpà diyà te kelowahan, yan migpesigelakay se kedita tadon egtaking kandin, aw dipanog te Batà din si Jesus se ipeg-onaw kenitadon lekat te kedakel te salà tadon.