Genesis 49:3 - Manobo Sarangani

³ “Sikona Ruben se kakay diyà te kedita te batà ko. Magsen se lawa nikaw iling kanak kedengan. Diyà te kedita te menge batà ko, sikona se ontò melangkaw aw ontò egsegmanen.

Genesis 49:3 ပူးပေါင်းရင်းမြစ်များ

Genesis 29:32

Miglaman si Lea aw tinebawan sikandin te batà meama. Iningedanan din se batà din ki Ruben (kelebadan niyan, kinità se kelimahan), so minikagi sikandin, “Kinità te Timanem se kelimahan ko. Kedekelan a den besi te esawa ko te pedowan.”

Genesis 48:18

Minikagi si Jose, “Amà, wedà iyan peketotok, so seini se kakay. Seini se keilangan pemàdan nikaw te kowanan.”

Genesis 46:8

Na, seini se menge ngadan te bowad-bowad i Jacob timaking kandin doton te Ehipto. Si Ruben se kakay batà i Jacob.

Impekità 3:14

Minikagi heman sikandin, “Solat ka heman te anghil egtonggò te menge sakop te simbahan kidoen te Layodisiya. Seini se kagi isolat nikaw. ‘Seini se kagi ko kenyo. Siak se ontò egkeseligan. Ontò benal se ipegtoladà ko. Siak se pengolo te kedita te ininang te Timanem.

Genesis 35:22

Dalem te peg-ogpà i Jacob kidoen te tanà sìyan, limayok si Ruben diyà te sebad esawa te amay din si Bilha, aw dimineg si Jacob tepad kenyan. Sempolò teg dowa se batà meama i Jacob.

Genesis 35:23

Se menge batà din meama timebaw diyà ki Lea, yan si Ruben penganay batà i Jacob, si Simeon, si Levi, si Juda, si Isacar, aw si Sabulon.