Genesis 49:10 - Manobo Sarangani

¹⁰ Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Genesis 49:10 ပူးပေါင်းရင်းမြစ်များ

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”

Roma 15:12

Doen heman insolat i Isaias gebii, “Lekat te menge bowad-bowad i Isai, doen sebad otaw domateng amon lomowan diyà te menge otaw kenà Judiyo, aw sikandin se seligan dan.”

Juan 12:32

Meneng penga te pegsawol kanak kidoen te kayo intollok, ipetaking ko se kedita te otaw kanak lekat te kebelad te keneyonan.”

Juan 19:15

Meneng migbelobansag dan, “Imetayi sikandin. Imetayi. Lensangi diyà te kros.” Minikagi si Pilato, “Meibeg kaw lay te ipelansang ko se selotan niyo diyà te kros?” Timaba se menge pengolo te simbahan, “Sebad olò se selotan day, aw yan si Cesar.”

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Mat. 25:32

tiponen ko lekat te kebelad te keneyonan. Tepiden ko dan diyà te dowa pongan iling te eg-inangen te telediyaga te karniro aw tepiden din se menge karniro aw kambing,

Mat. 21:9

Migpegais se kedita te otaw timaking ki Jesus, pengkey nekeonà aw timetondog. Migpegais dan, “Iduyun se bowad-bowad i David. Iduyun se insogò te Pengolo tadon Timanem. Iduyun se Timanem.”

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

2 Korinto 5:10

Sominalo kwani se kedita tadon ki Cristo amon okomen kidon din, aw amon meabat te teg sebad-sebad kenitadon egpemenal se kandin ontong tepad te ininang din dini te keneyonan. Se otaw mig-inang te mèpiya, yan se doen ontong. Se otaw egpemenal eg-inang te medaet, yan se wedad ontong.

Juan 19:12

Pegdineg i Pilato kenyan, ibeg din megpelowà ki Jesus. Meneng migbelobansag se menge obanen te Judiyo, “Aw ipelowà no sikandin, meinang ka poon te selotan tadon si Cesar, so aw megpelingo-lingo se otaw selotan, poon sikandin i Cesar.”

Juan 18:31

Minikagi si Pilato, “Mèpiya aw sikiyo se megpelumun kandin tepad te menge punù egtoloen niyo.” Minikagi se menge obanen te Judiyo, “Meneng eked kepakay diyà te gobirno te Roma aw sikami se mengimatay te otaw ipelumun day.”

Juan 9:7

Minikagi sikandin, “Doton ka te lanaw iningedanan Siloam, aw onawi se bawa no kidoen.” (Se kelebadan te Siloam, yan se kagi “impeibing.”) Penga niyan, dimoton se otaw bota aw migdàpog. Peg-olì din, kimità den.