Genesis 48:21 - Manobo Sarangani

²¹ Penga niyan, minikagi si Jacob diyà ki Jose, “Nayan, agpet den se aldaw te pegkematay ko, meneng ipaten ka pa te Timanem, aw ipeolì din se menge bowad-bowad ta te modi aldaw doton te tanà inogpaan te menge kemonaan ta gebii.

Genesis 48:21 ပူးပေါင်းရင်းမြစ်များ

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”

Genesis 46:4

Domoma a kenyo te pegdoton niyo te Ehipto, aw ibingen ko heman se menge bowad-bowad nikaw molì dini te Canaan. Aw matay ka, si Jose se meglebeng kamno.”

Genesis 28:15

Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 26:3

Peg-ogpà ka dini, aw yan megtabang a kamno, aw mèpiya se ibegay ko diyà kamno. Ibegay ko se kedakel te tanà seini diyà kamno aw diyà te menge bowad-bowad nikaw, so tomanen ko se impakang ko diyà te amay no si Abraham.

Menge Hebreo 7:3

Kidoen te kagi te Timanem insolat, wedà solati aw sinu se amay aw inay din. Wedà tadon heman ketegahi aw sinu se menge kemonaan din. Wedad heman insolat tepad te pegtebaw din aw tepad te pegkematay din. So iling te wedad netegahan tadon tepad te linekatan din aw detengan din, yan iling sikandin te Batà te Timanem wedad temanan te pegkagon din.

2 Pedro 1:14

Netegahan ko te matay a te eked kenamay, so yan se impetaga-taga te Pengolo tadon si Jesu Cristo diyà kanak.

Menge Hebreo 7:8

Nayan, se menge telekagon te Judiyo egbegayan te ikesempolò ketengà, olò dan otaw egkematay. Meneng labi pa melangkaw si Melkisedec se binegayan i Abraham te ikesempolò ketengà. So wedad indan tepad te pegkematay din, iling te wedad temanan te pegkagon din.

2 Timoteo 4:6

Nayan, aneng-aneng ko, agpet den se aldaw te pegkematay ko aw meinang a iling te bino itoyong diyà te ayam-ayam sonogen aw ibegay diyà te Timanem.

Ininang 13:36

Gebii, timolò si David te Timanem lamig te pegkematay din, aw penga niyan inlebeng sikandin sipat te kemonaan din aw neledak se lawa din.

Luc. 2:29

“Pengolo ko, mepakay den diyà kanak aw meg-etod a aw matay a den, so netoman den se pakang no kanak,

Genesis 37:1

Mig-ogpà si Jacob doton te Canaan, sìyan tanà inogpaan te amay din.

Genesis 15:14

Meneng ipelumun ko se menge otaw meg-allang kandan, aw penga niyan mekelowà dan lekat kidoen te dakel se kedònan ibingen dan.

Genesis 12:5

Impetaking i Abram se esawa din si Sarai, aw anak din si Lot, aw inibing din se kedakel te kedònan aw kedita te allang neabat din doton te Haran, aw nesayo dan pesalo doton te Canaan. Pegdateng dan doton te Canaan,

Genesis 15:16

Penga te peg-ogpà te menge bowad-bowad no doton te doma ogpeanan taman te ikeepat kebelikwat se pamilya megpetondogay, molì dan dini, so gayed dogangan te menge otaw Amori se peg-inang dan te salà igsà keilangan ipelumun ko dan.”

Genesis 47:29

Pegdateng te aldaw te agpet den sikandin matay, tinawal i Jacob se batà din si Jose, aw minikagi sikandin, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini. Pegpakang ka kanak te eked no lebengi se lawa ko dini te Ehipto.

Genesis 50:6

Timaba se selotan, “Ee. Doton ka aw lebengi se amay nikaw iling te impakang no kandin.”