Genesis 48:19 - Manobo Sarangani

¹⁹ Meneng mig-eked si Jacob, aw minikagi sikandin, “Netegahan ko iyan Atò. Netegahan ko iyan. Meinang heman melangkaw se menge bowad-bowad i Manases, meneng labi pa melangkaw si Efraim, so meinang medita pongan se menge bowad-bowad din.”

Genesis 48:19 ပူးပေါင်းရင်းမြစ်များ

Genesis 25:28

Ontò dakel se pedowan i Isaac diyà ki Esau, so ibeg din egpengànen se menge menenanap te kebenesan egpenaen i Esau. Meneng ontò dakel beling se pedowan i Rebecca diyà ki Jacob.

Impekità 7:8

Sempolò teg dowa heman melalan lekat ki Sabulon. Sempolò teg dowa heman melalan lekat ki Jose. Sempolò teg dowa heman melalan lekat ki Benjamin.

Impekità 7:6

Sempolò teg dowa heman melalan lekat ki Aser. Sempolò teg dowa heman melalan lekat ki Neftali. Sempolò teg dowa heman melalan lekat ki Manases.

Genesis 48:14

Meneng pig-ibelios i Jacob se belad din, so belad din lenged te kowanan se impemaed din te olo i Efraim, pengkey adi sikandin, aw bibang din se impemaed din te olo te kakay si Manases.

Genesis 17:4

“Seini se ipakang ko diyà kamno. Inangen ko sikona kemonaan te medita pongan.

Genesis 28:14

Inangen ko medita se bowad-bowad nikaw igsà eked dan kebilang iling te menge napò te tanà. Meg-ogpà se menge bowad-bowad no doton te kebelad te tanà pengkey kenan nikaw kitai. Mèpiya se ibegay ko diyà te kedita te otaw dini te keneyonan pineokit kamno aw bowad-bowad nikaw.

Genesis 46:3

Minikagi sikandin, “Siaken se Timanem. Siaken se Timanem egseligan te amay no gebii. Ikà egkelemitan te pegdoton no te Ehipto, so doton te Ehipto inangen ko se menge bowad-bowad nikaw ontò melangkaw pongan.

Genesis 48:18

Minikagi si Jose, “Amà, wedà iyan peketotok, so seini se kakay. Seini se keilangan pemàdan nikaw te kowanan.”

Genesis 25:23

Minikagi se Timanem, “Se pingin kidoen te belenakan nikaw, yan se meinang kemonaan te dowa pongan. Eked dan pegsebad. Meinang labi pa magsen se sebad pongan, aw meinang sineligan te batà no adi se kakay din.”