Genesis 48:14 - Manobo Sarangani

¹⁴ Meneng pig-ibelios i Jacob se belad din, so belad din lenged te kowanan se impemaed din te olo i Efraim, pengkey adi sikandin, aw bibang din se impemaed din te olo te kakay si Manases.

Genesis 48:14 ပူးပေါင်းရင်းမြစ်များ

Genesis 41:51

Iningedanan din se kakay ki Manases (kelebadan niyan, nelibelan), so minikagi si Jose, “Tinebangan a te Timanem aw yan nelibelan ko den se kedakel te kelimahan ko aw tepad te dela ko te amay aw menge gaked ko.”

1 Timoteo 5:22

Keilangan eked ka kesasaw te pegpemallì no te otaw inangen egpengibing te simbahan, so aw mekesalà sikandin, silahen ka heman doma din. Yan keilangan wedad salà inangen nikaw.

1 Timoteo 4:14

Ikà eglengà te peggamit no te kebiyasa nekinawà no kedengan pineokit te peg-ikagi te telekeliwat te kagi te Timanem tepad kamno aw pineokit te pegpemaed te menge egpengibing te simbahan diyà te olo nikaw.

Ininang 13:3

Penga niyan, migpowasa dan aw todà dan migtawal-tawal, aw pinemàdan dan si Bernabe aw si Saulo, aw penga niyan impekesayo dan.

Ininang 6:6

Impeasdang dan diyà te menge sogounun i Cristo. Migtawal-tawal se menge sogounun i Cristo aw pinemàdan dan se pito otaw sìyan.

Luc. 13:13

Penga niyan, pinemàdan sikandin i Jesus, aw pegketà negolian sikandin aw dimuyun te Timanem.

Luc. 4:40

Pegsallep te aldaw, inibing dan doton ki Jesus se kedita te doma dan doen medita kemolò te mesakit. Pinemàdan din se kedita dan aw negolian dan.

Mat. 19:15

Nemaed si Jesus kandan aw migtawal-tawal. Penga niyan, nesayo sikandin lekat kidoen.

Mat. 19:13

Nayan, doen menge otaw nengibing te dedeitek mengisù doton ki Jesus amon pemàdan din dan aw megtawal-tawal te begayan dan te Timanem te mèpiya. Sinagda dan te menge tinoledaan din.

Mat. 16:18

Eneng-enengi se kagi ko kamno seini. Iling ka te bato dimasel tandà te pegsalig no kanak, aw medita se otaw tomaking kamno aw megpesakop diyà kanak. Eked dan dàgi te tolos te kemetayun.

Mat. 6:5

“Aw megtawal-tawal kaw diyà te Timanem, ikà niyo eg-iling te otaw eden dan aw egpenimanem dan, so egkeibeg dan egtawal-tawal doton te simbahan aw doton heman te dalan amon kitaen dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

Genesis 48:18

Minikagi si Jose, “Amà, wedà iyan peketotok, so seini se kakay. Seini se keilangan pemàdan nikaw te kowanan.”

Genesis 46:20

Dowa se batà meama i Jose timebaw doton te Ehipto, si Manases aw si Efraim. Yan se batà i Jose aw si Asenat, batà i Potiferas, sìyan egpengibing te menge otaw migsimba te aldaw doton te lonsod te On.

Genesis 41:52

Iningedanan din se adi ki Efraim (kelebadan niyan, migmengisù), so minikagi si Jose, “Tinebangan a te Timanem aw yan migmengisù a den dini te tanà te kelimahan ko.”

Genesis 48:13

Impetindeg i Jose si Efraim lenged te bibang i Jacob, aw si Manases lenged te kowanan din.

Genesis 48:17

Nayan, pegkità i Jose te si Efraim se pinemàdan te amay din te kowanan, wedà sikandin keibeg kenyan. Yan inabat din se belad te amay din amon elinen din lekat te olo i Efraim doton te olo i Manases.