Genesis 47:31 - Manobo Sarangani

³¹ Minikagi si Jacob, “Pegsapà ka kanak te yan se inangen nikaw.” Yan migsapà si Jose. Penga niyan, timikelong si Jacob kidoen te katri din, aw migpesiontong sikandin diyà te Timanem.

Genesis 47:31 ပူးပေါင်းရင်းမြစ်များ

Menge Hebreo 11:21

Simalig heman si Jacob diyà te Timanem, so te agpet den sikandin matay, minikagi sikandin diyà te didowa apò din batà i Jose te begayan dan te Timanem te mèpiya, aw penga niyan, timikelong sikandin diyà te bangkà din aw migsimba te Timanem.

Genesis 24:3

Ibeg ko megsapà ka pineokit te Timanem mig-inang te langit aw keneyonan. Pegpakang ka diyà kanak te eked no pemellii se bayi pengognanen te batà ko lekat te menge otaw eg-ogpà dini te Canaan.

Genesis 47:29

Pegdateng te aldaw te agpet den sikandin matay, tinawal i Jacob se batà din si Jose, aw minikagi sikandin, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini. Pegpakang ka kanak te eked no lebengi se lawa ko dini te Ehipto.

Genesis 24:26

Penga niyan, limongken se sineligan, aw dimuyun sikandin te Timanem.

Genesis 21:23

Yan ibeg ko megsapà ka den diyà te Timanem te eked ka palos peg-akal kanak, menge batà ko, aw menge bowad-bowad ko. Gayed mèpiya se ininang ko diyà kamno, aw yan pegpakang ka den te gayed mèpiya se inangen no diyà kanak aw menge doma otaw eg-ogpà dini te tanà inogpaan nikaw.”

Genesis 21:24

Minikagi si Abraham, “Yan se ipakang ko den diyà kamno.”

Genesis 31:53

Aw lèpangan ta se pakang seini, ipelumun ki te Timanem egseligan i Abraham aw si Nahor.” Penga niyan, migsapà heman si Jacob pineokit te ngadan te Timanem egseligan te amay din si Isaac.

Genesis 50:25

Penga niyan, nemoyò si Jose te megsapà se menge doma bowad-bowad i Israel, kagi din, “Pegpakang kaw kanak te ibingen niyo se lawa ko te modi aldaw aw ipeolì kaw te Timanem doton te Canaan.”

Genesis 24:2

Minikagi si Abraham diyà te pengolo te menge sineligan din, sìyan egpengibing te kedakel te kedònan din, “Soli se belad nikaw diyà te salad te bobon ko amon ketegahan ko te tomanen no se ipunù ko kamno seini.

Genesis 50:5

‘Te wedà pa kematay se amay ko, migpakang a kandin te ilebeng ko se lawa din kidoen te lebenganan tapay din impetagad doton te Canaan. Yan aw mepakay diyà kamno, domoton a amon ilebeng ko, aw penga niyan molì a dini.’”