Genesis 47:24 - Manobo Sarangani

²⁴ Aw doen geniyen niyo, keilangan ibegay niyo se tengà te lima diyà te selotan. Kenyo se samà amon doen benì ipanggas niyo aw amon doen kànen niyo aw menge pamilya niyo.”

Genesis 47:24 ပူးပေါင်းရင်းမြစ်များ

Genesis 41:34

Mèpiya heman aw pemellien no se menge doma opisyal doton te tegsebad-sebad ogpeanan amon ebaten dan se tengà te lima diyà te kedakel te trigo geniyen dalem te pito se omay doen dakel geniyen.

Genesis 47:25

Timaba dan, “Tandà te tabang nikaw kenami, eked kay den kematay. Sir, ontò mèpiya se ininang no kenami, aw yan meinang kay menge allang te selotan.”

Genesis 47:23

Minikagi si Jose diyà te menge otaw, “So bineyadan kaw den te selotan sipat te tanà niyo, ibegay ko den kenyo se benì ipanggas niyo.

Genesis 14:20

Iduyun se Timanem Melangkaw, so tinebangan ka din te pegdaeg no te menge poon nikaw.” Penga niyan, nemegay si Abram diyà kandin te ikesempolò ketengà te kedita neabat din lekat te epat selotan dinaeg din.

Genesis 14:21

Minikagi se selotan te Sodoma diyà ki Abram, “Kamno den se kedakel te kedònan day neabat no lekat te epat selotan mig-agaw kenyan lekat kenami. Olò menge sakop ko se iolì no diyà kanak.”

Genesis 28:22

Se bato seini impetindeg ko, yan se inangen ko simbahan kamno, aw ibegay ko heman diyà kamno se ikesempolò ketengà te keyemanan ibegay no diyà kanak.”