Genesis 47:19 - Manobo Sarangani

¹⁹ Aw eked ka pegtabang kenami, matay kay aw kebàtan se pawà day. Lawa day aw pawà se iliwan day te kànen. Mepakay aw inangen kay allang te selotan, aw ibegay day se tanà diyà kandin. Meneng begayi kay bag olò te trigo amon eked kay kematay aw amon doen itanem day diyà te pawà.”

Genesis 47:19 ပူးပေါင်းရင်းမြစ်များ

Mat. 16:26

Simpana tig-epoen te otaw se kedakel te keneyonan, aw penga niyan matay sikandin aw ipelumun doton te kilot, wedad ontong din, so eked kebeyadi se kaling pedowan wedad temanan.

Genesis 47:15

Pegkeamin te kedakel te kwarta doton te kebelad te Ehipto aw Canaan, dimoton se menge tege Ehipto ki Jose, aw minikagi dan, “Begayi kay bag te kànen, so agpet kay den matay. Tebangi kay, so wedad den kànen day aw neamin den se kwarta day.”

Genesis 47:18

Pegkepenga te omay sìyan, limikò dan doton ki Jose aw minikagi dan, “Sir, benal se kagi day kamno te neamin se kwarta day, aw tinig-apò no den se kedita te ayam-ayam day. Wedad den ibegay day kamno, olò pawà day aw lawa day se nesamà.

Genesis 47:20

Penga niyan, bineyadan i Jose se kedita te tanà kidoen te Ehipto amon tig-epoen iyan te selotan. Nemeligyà se kedita te tege Ehipto te tanà dan so ontò medaet se bitil, aw yan neinang se selotan tig-apò te kedakel te tanà.

Genesis 41:36

Se itagò, yan se kànen te menge otaw aw domateng se pito se omay te bitil dini te Ehipto, amon eked kematay se otaw te bitil.”