Genesis 47:12 - Manobo Sarangani

¹² Doen heman kànen imbegay i Jose diyà te amay din, aw menge kedowa din, aw menge doma otaw diyà te pamilya te amay din sipat te menge mengisù dan.

Genesis 47:12 ပူးပေါင်းရင်းမြစ်များ

Genesis 45:11

Aw meg-ogpà kaw dini te Gosen, ipaten ta sikiyo. Lima mendad se omay te bitil, aw eked a keibeg aw kelimahan ka, aw menge batà nikaw, aw menge ayam-ayam nikaw.’”

1 Timoteo 5:8

Aw doen otaw egpemenal kenà egpenogpò te kandin pamilya, labi pa aw kenà egpenogpò te otaw eg-ogpà diyà te kandin balay, yan se otaw timinàyog te kebenalan tapay pinemenalan din, aw labi pa medaet se ketanem din diyà te ketanem te otaw kenà egpemenal.

1 Timoteo 5:4

Meneng aw doen batà aw apò te bayi balo, pegtoladà ka kandan te keilangan sikandan se menogpò te kandan pamilya aw memegay te ontong diyà te kandan inay aw amay, so yan se ibeg te Timanem inangen tadon.

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

1 Tesalonika 2:7

So sogounun kay i Cristo, mepakay aw somogò kay kenyo. Meneng peg-ogpà day doma kenyo, wedà kay sogò kenyo, so neido kay kenyo iling te pegkeido te inay diyà te menge batà din eg-ipaten din.

Genesis 47:24

Aw doen geniyen niyo, keilangan ibegay niyo se tengà te lima diyà te selotan. Kenyo se samà amon doen benì ipanggas niyo aw amon doen kànen niyo aw menge pamilya niyo.”

Genesis 47:21

Neinang allang te selotan se kedita te otaw kidoen te kebelad te Ehipto tandà te ininang i Jose.

Genesis 47:1

Penga niyan, impetaking i Jose se lima kedowa din, aw dimoton dan te selotan. Minikagi si Jose, “Dimateng den se amay ko aw menge kedowa ko lekat te Canaan, sipat te kedita te karniro aw doma ayam-ayam dan aw kedakel te kedònan dan. Kidoen den dan te Gosen.” Penga niyan, impekilala din se lima kedowa din diyà te selotan.

Genesis 50:21

Ikà niyo palos egkelemitan, so siak se meg-ipat kenyo aw menge pamilya niyo.” Ontò mèpiya se kagi din kandan amon mesinalay se pedowan dan.

Genesis 45:7

Insogò a te Timanem dini amon megtabang a kenyo, so ibeg din eked kaw kematay te bitil amon meantay kaw aw menge bowad-bowad niyo.

Genesis 45:10

Ipeogpà ta sikiyo dini te Gosen, amon medapag se kedita niyo diyà kanak, pengkey sikona, aw menge batà nikaw, menge apò nikaw, aw menge karniro aw menge kambing, aw menge baka, aw kedita te kedònan nikaw.