Genesis 47:11 - Manobo Sarangani

¹¹ Impeogpà i Jose se amay din aw menge kedowa din doton te Ehipto. Ontò mèpiya se tanà imbegay din kandan medapag te lonsod te Ramases, iling te impunù te selotan kandin.

Genesis 47:11 ပူးပေါင်းရင်းမြစ်များ

Genesis 47:6

Sikona se eglowan diyà te kebelad te Ehipto. Peogpai dan doton te Gosen, so yan se ontò mèpiya tanà. Aw doen otaw diyà kandan ontò biyasa egdiyaga, petonggoi kandan se kenaken menge ayam-ayam.”

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Juan 14:2

Medita se tambì kidoen te balay eg-ogpaan te Amay ko. Simpana kenà iyan benal, eked a peden peg-indan kenyo. Meneng domoton a den amon ipetagad ko kenyo se ogpaan niyo.

Juan 10:28

Egpemegay a kandan te kaling pedowan wedad temanan, aw eked dan detengi te kemetayun. Wedad palos mekeagaw kandan diyà kanak.

Juan 10:10

Domoton se menenakaw te kelokob amon menakaw, aw mengimatay, aw megbaet. Meneng dimini a amon memegay a te kaling pedowan wedad temanan diyà te kedita te otaw, sìyan kaling pedowan wedad kekolangan.

Genesis 46:34

keilangan meg-indan kaw kandin te telediyaga kaw lekat te pegkemengisù niyo, iling te eg-inangen te menge kemonaan niyo gebii. Doun niyan, ipeogpà kaw din doton te Gosen.” Yan se inikagi i Jose diyà kandan, so eglindoan te menge tege Ehipto se telediyaga.

Genesis 47:27

Mig-ogpà se menge bowad-bowad i Jacob (doma ngadan din si Israel) kidoen te Gosen doton te Ehipto, aw yan neinang dakel se kedònan dan kidoen, aw ontò migkedita se mengisù dan.